Airteagal 29 4.

áiritheofar le ceanglais cheangailteacha dlí an tríú tír go gcuimseofar i réamheolaire an tríú tír an fhaisnéis ábhartha is gá chun go mbeidh infheisteoirí ábalta cinneadh feasach infheistíochta a dhéanamh ar bhealach a bheidh coibhéiseach leis na ceanglais a leagtar síos sa Rialachán seo;

i gcás ina mbeidh cead ag infheisteoirí miondíola infheistíocht a dhéanamh in urrúis a bhfuil réamheolaire tríú tír tarraingthe suas ina leith, beidh achoimre sa réamheolaire sin ina dtugtar an fhaisnéis bhunriachtanach is gá d’infheisteoirí miondíola chun go dtuigfidh siad cineál agus rioscaí an eisitheora, na n-urrús agus, i gcás inarb infheidhme, an ráthóra, agus ní mór é sin a léamh in éineacht le ranna eile an réamheolaire sin;

beidh feidhm ag dlíthe, rialacháin agus forálacha riaracháin an tríú tír maidir le dliteanas sibhialta maidir leis na daoine atá freagrach as an bhfaisnéis a thugtar sa réamheolaire, lena n-áirítear ar a laghad don eisitheoir nó dá chomhlachtaí riaracháin, bainistíochta nó maoirseachta, an tairgeoir, an duine atá ag iarraidh go ligfí urrúis isteach chun a dtrádála ar mhargadh rialáilte agus, i gcás inarb infheidhme, don ráthóir;

sonrófar i gceanglais cheangailteacha dlí an tríú tír bailíocht réamheolaire an tríú tír agus an oibleagáid maidir le réamheolaire an tríú tír a fhorlíonadh i gcás ina bhféadfadh toisc shuntasach nua, botún ábhartha nó míchruinneas ábhartha na faisnéise a áirítear sa réamheolaire sin dul i gcion ar mheasúnú na n-urrús, chomh maith leis na coinníollacha d’infheisteoirí chun a gcearta chun tarraingt siar a fheidhmiú sa chás sin;

tá éifeacht choibhéiseach ag creat maoirseachta an tríú tír maidir le grinnscrúdú agus formheas réamheolairí tríú tír agus ag na socruithe maidir le réamheolairí tríú tír a fhoilsiú leis na forálacha dá dtagraítear in Airteagail 20 agus 21.