Article 84 3e.

I gcás nach ngníomhaíonn údaráis inniúla Bhallstát baile an GCUI i gcomhréir le tuairim ESMA dá dtagraítear i mír 3d, nó nach bhfuil sé beartaithe acu an tuairim sin a chomhlíonadh, cuirfidh siad ESMA agus na húdaráis inniúla iarrthacha ar an eolas faoi sin, agus na cúiseanna lena neamhchomhlíonadh nó leis an rún atá acu gan an tuairim a chomhlíonadh á lua acu. I gcás bagairt thromchúiseach ar chosaint infheisteoirí, ar fheidhmiú ordúil agus sláine na margaí airgeadais nó ar chobhsaíocht an chórais airgeadais ina iomláine nó cuid den chóras airgeadais san Aontas, agus mura rud é go bhfuil foilsiú den sórt sin i gcoinbhleacht le leasanna dlisteanacha shealbhóirí aonad an GCUI nó an phobail, féadfaidh ESMA a fhoilsiú nach gcomhlíonann údaráis inniúla Bhallstát baile an GCUI a thuairim nó nach bhfuil sé beartaithe acu a thuairim a chomhlíonadh, mar aon leis na cúiseanna a thug na húdaráis inniúla sin maidir lena neamhchomhlíonadh nó maidir leis an rún atá acu gan an tuairim a chomhlíonadh. Déanfaidh ESMA anailís i dtaobh ar mhó na tairbhí a bheadh i gceist leis an bhfoilsiú ná an méadú ar na bagairtí ar chosaint infheisteoirí, ar fheidhmiú ordúil agus sláine na margaí airgeadais nó ar chobhsaíocht an chórais airgeadais ina iomláine nó cuid den chóras airgeadais san Aontas mar thoradh ar an bhfoilsiú sin agus tabharfaidh sé réamhfhógra do na húdaráis inniúla faoi fhoilsiú den sórt sin.