Airteagal 2 Sainmhínithe

ciallaíonn “caipiteal” ranníocaíochtaí caipitil comhiomlána agus caipiteal geallta neamhghlaoite, arna ríomh ar bhonn méideanna in-infheistithe tar éis na táillí, na muirir agus na costais uile a iompraíonn na hinfheisteoirí go díreach nó go hindíreach a asbhaint;

ciallaíonn “infheisteoir gairmiúil” infheisteoir a mheastar gur cliant gairmiúil é, nó a fhéadfar, ar iarraidh uaidh, déileáil leis mar chliant gairmiúil i gcomhréir le hIarscríbhinn II a ghabhann le Treoir 2014/65/AE;

ciallaíonn “infheisteoir miondíola” infheisteoir nach infheisteoir gairmiúil é;

ciallaíonn “cothromas” leas úinéireachta i ngnóthas punainne cáilitheach, a léirítear le scaireanna nó le foirmeacha eile rannpháirtíochta i gcaipiteal an ghnóthais phunainne cháilithigh arna n-eisiúint chuig a infheisteoirí;

ciallaíonn “cuasachothromas” aon chineál ionstraime maoinithe i gcás ina bhfuil an fáltas ar an ionstraim nasctha le brabús nó caillteanas an ghnóthais phunainne cháilithigh agus i gcás nach bhfuil aisíocaíocht na hionstraime i gcás mainneachtana urraithe go hiomlán;

ciallaíonn “sócmhainn réadach” sócmhainn a bhfuil luach intreach aici de bharr a substainte agus a hairíonna;

ciallaíonn “gnóthas airgeadais” aon cheann díobh seo a leanas:

▼M1

▼B

ciallaíonn “AIF AE” AIF AE mar a shainmhínítear i bpointe (k) d'Airteagal 4(1) de Threoir 2011/61/AE;

ciallaíonn “AIFM AE” AIFM AE mar a shainmhínítear i bpointe (l) d'Airteagal 4(1) de Threoir 2011/61/AE;

ciallaíonn “údarás inniúil an ELTIF” údarás inniúil AIF AE de réir bhrí phointe (h) d'Airteagal 4(1) de Threoir 2011/61/AE;

ciallaíonn “Ballstát baile an ELTIF” an Ballstát ina bhfuil an tELTIF údaraithe;

ciallaíonn “bainisteoir an ELTIF” AIFM AE údaraithe atá formheasta chun ELTIF, nó an tELTIF a bhainistítear go hinmheánach, a bhainistiú i gcás ina gceadaíonn foirm dhlíthiúil an ELTIF bainistíocht inmheánach agus i gcás nach bhfuil aon AIFM seachtrach ceaptha;

ciallaíonn “údarás inniúil bhainisteoir an ELTIF” údarás inniúil Bhallstát baile an AIFM de réir bhrí phointe (q) d'Airteagal 4(1) de Threoir 2011/61/AE;

ciallaíonn “urrúis a thabhairt ar iasacht” agus “urrúis a fháil ar iasacht” aon idirbheart ina n-aistríonn contrapháirtí urrúis faoi réir gealltanais go dtabharfaidh an t-iasachtaí urrúis choibhéiseacha ar ais ar dháta níos déanaí nó nuair a iarrfaidh an t-aistreoir sin air, agus an t-idirbheart sin a bheith measta mar urrúis a thabhairt ar iasacht i gcás an chomhpháirtí a bheidh ag aistriú na n-urrús agus a bheith measta mar urrúis a fháil ar iasacht i gcás an chomhpháirtí a mbeidh siad á n-aistriú chuige;

ciallaíonn “urrúsú simplí trédhearcach caighdeánaithe” urrúsú a chomhlíonann na coinníollacha a leagtar amach in Airteagal 18 de Rialachán (AE) 2017/2402 ó Pharlaimint na hEorpa agus ón gComhairle ( 3 );

ciallaíonn “grúpa” grúpa mar a shainmhínítear in Airteagal 2, pointe (11), de Threoir 2013/34/AE ó Pharlaimint na hEorpa agus ón gComhairle ( 4 );

ciallaíonn “beart athcheannaigh” beart athcheannaigh mar a shainmhínítear é i bpointe (83) d'Airteagal 4(1) de Rialachán (AE) Uimh. 575/2013;

ciallaíonn “ionstraim airgeadais” ionstraim airgeadais mar a shonraítear i Roinn C d'Iarscríbhinn I a ghabhann le Treoir 2014/65/AE;

ciallaíonn “díol folamh” gníomhaíocht mar a shainmhínítear i bpointe (b) d'Airteagal 2(1) de Rialachán (AE) Uimh. 236/2012 ó Pharlaimint na hEorpa agus ón gComhairle ( 5 );

ciallaíonn “margadh rialáilte” margadh rialáilte mar a shainmhínítear i bpointe (21) d'Airteagal 4(1) de Threoir 2014/65/AE;

ciallaíonn “saoráid trádála iltaobhach” saoráid trádála ilthaobhach mar a shainmhínítear i bpointe (22) d'Airteagal 4(1) de Threoir 2014/65/AE;

ciallaíonn “ELTIF fothaire” ELTIF, nó urrann infheistíochta de, atá formheasta 85 % ar a laghad dá shócmhainní a infheistiú in aonaid nó i scaireanna ELTIF eile nó in urrann infheistíochta ELTIF;

ciallaíonn “máistir-ELTIF” ELTIF, nó urrann infheistíochta de, ina n-infheistíonn ELTIF eile 85 % ar a laghad dá shócmhainní in aonaid nó i scaireanna.