Airteagal 18 2.

costais sheasta na n-oibreoirí córais tarchurtha agus na n-oibreoirí córais dáileacháin a léiriú agus caiteachas caipitil agus oibríochtúil araon a bhreithniú chun dreasachtaí iomchuí maidir le hoibreoirí córais tarchurtha agus le hoibreoirí córais dáileacháin a sholáthar sa ghearrthéarma agus san fhadtéarma, lena n-áirítear infheistíocht oirchilleach chun éifeachtúlachtaí a mhéadú, lena n-áirítear éifeachtúlacht fuinnimh;

comhtháthú margaidh, comhtháthú fuinnimh in-athnuaite agus slándáil an tsoláthair a chothú;

tacú le húsáid seirbhísí solúbthachta agus úsáid nasc solúbtha a chumasú;

infheistíocht éifeachtúla agus tráthúla a chur chun cinn, lena n-áirítear réitigh chun an eangach atá ann cheana a bharrfheabhsú;

an stóráil fuinnimh, an fhreagairt don éileamh agus gníomhaíochtaí taighde gaolmhara a éascú;

rannchuidiú leis na cuspóirí a leagtar amach sna pleananna comhtháite náisiúnta fuinnimh agus aeráide a bhaint amach, an tionchar ar an gcomhshaol a laghdú agus glacadh an phobail leo a chur chun cinn; agus

nuálaíocht a éascú ar mhaithe le tomhaltóirí i réimsí áirithe, amhail an digitiú, seirbhísí solúbthachta agus idirnascadh, go háirithe chun forbairt a dhéanamh ar an mbonneagar is gá chun an sprioc idirnasctha leictreachais íosta do 2030 a leagtar síos in Airteagal 4, pointe (d)(1), de Rialachán (AE) 2018/1999 a bhaint amach.