+Airteagal 69 Athbhreithnithe agus tuarascálacha ón gCoimisiún
---+Airteagal 69 1.
---+Airteagal 69 2.
---+Airteagal 69 3.

Airteagal 69 Athbhreithnithe agus tuarascálacha ón gCoimisiún

1. Forbhreathnú

,
Airteagal 69 1.
Faoin 1 Iúil 2025, déanfaidh an Coimisiún athbhreithniú ar na cóid ghréasáin agus ar na treoirlínte, d'fhonn meastóireacht a dhéanamh ar na forálacha sin a d'fhéadfaí a chumhdach go hiomchuí sna gníomhartha reachtacha sin de chuid an Aontais a bhaineann le margadh inmheánach an leictreachais agus ar an gcaoi a bhféadfaí na cumhachtuithe le haghaidh cóid ghréasáin agus treoirlínte atá leagtha síos in Airteagail 59 agus 61 a athbhreithniú.

Cuirfidh an Coimisiún, ar an dáta céanna, tuarascáil mhionsonraithe maidir lena mheasúnú faoi bhráid Pharlaimint na hEorpa agus na Comhairle.

Faoin 31 Nollaig 2026, déanfaidh an Coimisiún, i gcás inarb iomchuí, tograí reachtacha a thíolacadh ar bhonn a mheasúnaithe.
Airteagal 69 2.
Faoin 30 Meitheamh 2026, déanfaidh an Coimisiún athbhreithniú ar an Rialachán seo agus cuirfidh sé tuarascáil faoi bhráid Pharlaimint na hEorpa agus na Comhairle ar bhonn an athbhreithnithe sin, agus beidh togra reachtach ag gabháil léi, i gcás inarb iomchuí.

Déanfar measúnú sa tuarascáil ón gCoimisiún, inter alia, ar an méid seo a leanas:

(a) 

éifeachtacht struchtúr agus fheidhmiú reatha na margaí leictreachais gearrthéarmacha, lena n-áirítear i gcásanna géarchéime nó éigeandála, agus, ar bhonn níos ginearálta, na neamhéifeachtúlachtaí a d’fhéadfadh a bheith ann maidir leis an margadh inmheánach leictreachais agus na roghanna éagsúla maidir le leigheasanna agus uirlisí féideartha a thabhairt isteach a bheadh le cur i bhfeidhm i gcásanna géarchéime nó éigeandála i bhfianaise na taithí ar an leibhéal idirnáisiúnta agus i bhfianaise éabhlóid agus forbairtí nua sa mhargadh inmheánach leictreachais;

(b) 

oiriúnacht chreat dlíthiúil agus chreat maoiniúcháin reatha an Aontais maidir le heangacha dáileacháin chun cuspóirí an Aontais maidir leis an margadh fuinnimh in-athnuaite agus inmheánach a bhaint amach.

(c) 

i gcomhréir le hAirteagal 19a, an fhéidearthacht ardán margaidh amháin nó roinnt ardán margaidh a bhunú san Aontas le haghaidh CCCanna agus inmharthanacht aon ardáin den chineál sin, ar ardán é a d’úsáidfí ar bhonn deonach, lena n-áirítear idirghníomhú na n-ardán féideartha sin le hardáin eile sa mhargadh leictreachais atá ann cheana féin agus comhthiomsú an éilimh ar CCCanna trí chomhbhailiú.
Airteagal 69 3.
Faoin 17 Eanair 2025, tíolacfaidh an Coimisiún do Pharlaimint na hEorpa agus don Chomhairle, tuarascáil mhionsonraithe ina ndéanfar measúnú ar na féidearthachtaí maidir le cuíchóiriú agus simpliú a dhéanamh ar an bpróiseas a bhaineann le sásra acmhainneachta a chur i bhfeidhm faoi Chaibidil IV, chun a áirithiú gur féidir leis na Ballstáit aghaidh a thabhairt ar ábhair imní maidir le leordhóthanacht ar bhealach tráthúil. Sa chomhthéacs sin, iarrfaidh an Coimisiún ar ACER leasú a dhéanamh ar an modheolaíocht don mheasúnú Eorpach ar leordhóthanacht acmhainní dá dtagraítear in Airteagal 23 i gcomhréir le hAirteagail 23 agus 27, de réir mar is iomchuí.

Faoin 17 Aibreán 2025, agus tar éis dó dul i gcomhairle leis na Ballstáit, tíolacfaidh an Coimisiún tograí d’fhonn simpliú a dhéanamh ar an bpróiseas chun sásraí acmhainneachta a mheasúnú de réir mar is iomchuí.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 16.07.2024 00:00:00 -Doknr: CELEX:32019R0943
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.