+IARSCRÍBHINN V NÓS IMEACHTA AILÍNITHE SAOTHARLAINNE LE FRIOTAÍOCHT ROLLTA A THOMHAS

IARSCRÍBHINN V NÓS IMEACHTA AILÍNITHE SAOTHARLAINNE LE FRIOTAÍOCHT ROLLTA A THOMHAS

IARSCRÍBHINN V

NÓS IMEACHTA AILÍNITHE SAOTHARLAINNE LE FRIOTAÍOCHT ROLLTA A THOMHAS

1.   Sainmhínithe

Chun críocha an nós imeachta ailínithe saotharlainne le friotaíocht rollta a thomhas, beidh feidhm ag na sainmhínithe a leanas:

(1) 

ciallaíonn “saotharlann tagartha” saotharlann ar cuid í de líonra na saotharlann ar foilsíodh a n-ainmneacha in Iris Oifigiúil an Aontais Eorpaigh, chun críoch an nós imeachta ailínithe saotharlainne, agus atá in ann cruinneas na dtorthaí tástála a bhaint amach a chinntear i Roinn 3 lena meaisín tagartha;

(2) 

ciallaíonn “saotharlann iarrthach” saotharlann a ghlacann páirt sa nós imeachta ailínithe saotharlainne nach saotharlann tagartha í;

(3) 

ciallaíonn “bonn ailínithe” bonn arna thástáil chun críoch an nós imeachta ailínithe saotharlainne a fheidhmiú;

(4) 

ciallaíonn “tacar bonn ailínithe” tacar de chúig bhonn ailínithe nó níos mó chun aon mheaisín amháin a ailíniú;

(5) 

ciallaíonn “luach sannta” luach teoiriciúil chomhéifeacht na friotaíochta rollta (RRC) d'aon bhonn ailínithe mar a thomhaistear é i saotharlann tagartha atá ionadaíoch ar an líonra saotharlann tagartha a úsáidtear don nós imeachta ailínithe saotharlainne;

(6) 

ciallaíonn “meaisín” gach fearsaid tástála boinn in aon mhodh sonrach tomhaiste amháin; mar shampla, ní mheasfar gurb aon mheaisín amháin iad dhá fhearsaid ag gníomhú ar an druma céanna.

2.   Forálacha ginearálta

2.1.   Prionsabal

Beidh comhéifeacht thomhaiste (m) na friotaíochta rollta arna bhfáil i saotharlann tagartha (l), (RRCm,l ), ailínithe le luachanna sannta líonra na saotharlann tagartha.

Beidh comhéifeacht thomhaiste (m) na friotaíochta rollta arna fáil trí meaisín i saotharlann iarrthach (c), RRC m,c , ailínithe trí shaotharlann tagartha amháin dá rogha líonra.

2.2.   Ceanglais maidir le bonn a roghnú

Roghnófar tacar bonn ailínithe le haghaidh an nós imeachta ailínithe saotharlainne i gcomhréir leis na critéir seo a leanas. Roghnófar bonn ailínithe amháin le haghaidh boinn C1 agus boinn C2 le chéile, agus bonn ailínithe eile le haghaidh boinn C3:

(a) 

roghnófar an tacar bonn ailínithe chun raon na RRCanna éagsúla de bhoinn C1 agus boinn C2 le chéile nó de bhoinn C3 a chumhdach; ar aon chaoi, beidh an difríocht idir an RRCm is airde den tacar bonn ailínithe, agus an RRCm is ísle den tacar bonn ailínithe, roimh ailíniú agus tar éis ailínithe, ar a laghad cothrom leis an méid seo a leanas:

(i) 

3 N/kN le haghaidh boinn C1 agus boinn C2; agus

(ii) 

2 N/kN le haghaidh boinn C3;

(b) 

déanfar an RRC m sna saotharlanna iarrthacha nó sna saotharlanna tagartha (RRCm,c nó RRC m,l ) bunaithe ar luachanna dearbhaithe RRC gach boinn ailínithe sa tacar bonn ailínithe a dháileadh go cothrom.

(c) 

cumhdóidh luachanna na treoiruimhreach ualaigh go leordhóthanach raon na mbonn a bheidh le tástáil, rud a chinnteoidh go gcumhdóidh luachanna na friotaíochta rollta raon na mbonn a bheidh le tástáil freisin.

Déanfar gach bonn ailínithe a sheiceáil roimh a úsáide agus déanfar é a ionadú nuair atá an méid seo a leanas i gceist leis:

(a) 

léiríonn an bonn ailínithe go bhfuil sé i riocht a fhágann nach féidir é a úsáid le haghaidh tuilleadh tástálacha; nó

(b) 

tá diallais de RRC m,c nó RRC m,l ann atá níos mó ná 1,5 % i gcomparáid le tomhais níos luaithe tar éis ceartúchán a dhéanamh i leith aon fhéithiú meaisín.

2.3.   Modh tomhais

Tomhaisfidh an tsaotharlann tagartha gach bonn ailínithe ceithre huaire agus coinneoidh sí na trí thoradh deiridh le haghaidh tuilleadh anailíse, i gcomhréir le mír 4 d'Iarscríbhinn 6 a ghabhann le Rialachán UNECE Uimh. 117 agus faoi na coinníollacha a leagtar amach i mír 3 d'Iarscríbhinn 6 a ghabhann le Rialachán UNECE Uimh. 117.

Tomhaisfidh an tsaotharlann iarrtha gach bonn ailínithe (n + 1) uair, agus n sonraithe i Roinn 5 den Iarscríbhinn seo, agus coinneoidh sí torthaí deiridh n le haghaidh tuilleadh anailíse, i gcomhréir le mír 4 d'Iarscríbhinn 6 a ghabhann le Rialachán UNECE Uimh. 117 agus lena gcuirtear i bhfeidhm na coinníollacha a leagtar amach i mír 3 d'Iarscríbhinn 6 a ghabhann le Rialachán UNECE Uimh. 117.

Gach uair a thomhaisfear bonn ailínithe, bainfear an chóimeáil boinn/rotha ón meaisín agus leanfar an nós imeachta tástála iomlán dá dtagraítear i mír 4 d'Iarscríbhinn 6 a ghabhann le Rialachán UNECE Uimh. 117 arís ón tús.

Déanfaidh an tsaotharlann iarrthach nó an tsaotharlann tagartha an méid seo a leanas a ríomh:

(a) 

luach tomhaiste gach boinn ailínithe i leith gach tomhais mar a shonraítear i míreanna 6.2 agus 6.3 d'Iarscríbhinn 6 a ghabhann le Rialachán UNECE Uimh. 117 (i.e. ceartuithe i leith teochta de 25 °C agus trastomhais druma de 2 m);

(b) 

meánluach na dtrí luach tomhaiste deiridh do gach bonn ailínithe (i gcás saotharlanna tagartha) nó meánluach luachanna deiridh tomhaiste deiridh n do gach bonn ailínithe (i gcás saotharlanna iarrthacha); agus

(c) 

an diallas caighdeánach (σm ) mar seo a leanas:

image

image

i gcás:

gurb é i

an t-áiritheoir ó 1 go p le haghaidh na mbonn ailínithe;

gurb é j

an t-áiritheoir ó 2 go n + 1 don n athdhéanamh deiridh de gach tomhais ar bhonn ailínithe faoi leith

gurb é n

+ 1 líon na n-atomhas ar bhoinn (n + 1=4 le haghaidh saotharlanna tagartha agus n + 1 ≥ 4 le haghaidh saotharlanna iarrthacha);

gurb é p

líon na mbonn ailínithe (p ≥ 5).

2.4.   Formáidí sonraí atá le húsáid le haghaidh ríomhaireachta agus le haghaidh torthaí

Déanfar na luachanna tomhaiste RRC a bheidh ceartaithe i leith trastomhais druma agus i leith teochta a shlánú go dhá dheachúil.

Ansin déanfar an ríomhaireacht leis na digití go léir: ní dhéanfar aon slánú eile ach amháin ar na cothromóidí ailínithe deiridh.

Taispeánfar gach luach a bhaineann le diallas caighdeánach go trí dheachúil.

Taispeánfar gach luach RRC go dhá dheachúil.

Déanfar gach comhéifeacht ailínithe (A1 l , B1 l , A2 c agus B2 c ) a shlánú agus a thaispeáint go ceithre dheachúil.

3.   Ceanglais is infheidhme maidir leis na saotharlanna tagartha agus cinneadh na luachanna sannta

Cinnfidh líonra saotharlann tagartha luachanna sannta gach boinn ailínithe. Déanfaidh an líonra cobhsaíocht agus bailíocht na luachanna sannta a mheas gach dara bliain.

Comhlíonfaidh gach saotharlann tagartha atá páirteach sa líonra sonraíochtaí Iarscríbhinn 6 a ghabhann le Rialachán UNECE Uimh. 117 agus beidh diallas caighdeánach (σm ) ann mar a leanas:

(a) 

nach mó ná 0,05 N/kN le haghaidh boinn d'aicme C1 agus boinn d’aicme C2; agus

(b) 

nach mó ná 0,05 N/kN le haghaidh boinn d'aicme C3.

Déanfar tacair na mbonn ailínithe atá roghnaithe i gcomhréir Roinn 2.2 a thomhas i gcomhréir le Roinn 2.3, ag gach saotharlann tagartha sa líonra.

Is ionann luach sannta gach boinn ailínithe agus meán na luachanna tomhaiste arna dtabhairt ag saotharlanna tagartha an líonra don bhonn ailínithe.

4.   An nós imeachta chun saotharlann tagartha a ailíniú leis na luachanna a shanntar

Déanfaidh gach saotharlann (l) tagartha í féin a ailíniú le gach tacar nua luachanna sannta agus i gcónaí tar éis aon athrú suntasach ar an meaisín nó aon fhéithiú sna sonraí faireacháin a bhaineann le bonn rialaithe an mheaisín.

Bainfidh an t-ailíniú úsáid as teicníc cúlchéimnithe línigh le haghaidh gach sonra aonair. Déanfar na comhéifeachtaí cúlchéimnithe, A1 l and B1 l , a ríomh mar seo a leanas:

RRC = A1 l × RRCm,l + B1 l

i gcás:

gurb é RRC

l

luach sannta chomhéifeacht na friotaíochta rollta;

gurb é RRCm,l

l

luach tomhaiste aonair chomhéifeacht na friotaíochta rollta ag an tsaotharlann tagartha “l” (lena n-áirítear ceartúcháin i leith teochta agus trastomhais druma).

5.   Ceanglais is infheidhme maidir le saotharlanna iarrthacha

Déanfaidh saotharlanna iarrthacha an nós imeachta ailínithe ar a laghad uair amháin gach dara bliain i leith gach meaisín agus i gcónaí tar éis aon athrú suntasach ar an meaisín nó aon fhéithiú de shonraí faireacháin a bhaineann le bonn rialaithe an mheaisín.

Déanfar tacar comhchoiteann de chúig bhonn éagsúla, atá roghnaithe i gcomhréir le Roinn 2.2, a thomhas i gcomhréir le Roinn 2.3, ag an tsaotharlann iarrthach ar dtús agus ina dhiaidh sin ag saotharlann tagartha amháin. Is féidir níos mó ná cúig bhonn ailínithe a thástáil má iarrann an tsaotharlann iarrthach é sin.

Soláthróidh an tsaotharlann iarrthach an tacar bonn ailínithe don tsaotharlann tagartha roghnaithe.

Comhlíonfaidh saotharlann iarrthach (c) sonraíochtaí Iarscríbhinn 6 a ghabhann le Rialachán UNECE Uimh. 117 arna ndéanamh air agus b'fhearr go mbeadh diallais chaighdeánacha (σm ) ann mar a leanas:

(a) 

nach mó ná 0,075 N/kN le haghaidh boinn d'aicme C1 agus boinn d’aicme C2; agus

(b) 

nach mó ná 0,06 N/kN le haghaidh boinn d'aicme C3.

Más rud é go bhfuil diallas caighdeánach (σm) na saotharlainne iarrthaí níos airde ná na luachanna sin i ndiaidh ceithre thomhas, agus go n-úsáidtear na trí cinn dheiridh le haghaidh na ríomhaireachta, ansin méadófar líon n+1 na n-uaireanta a athdhéantar an tomhais mar seo a leanas i ndáil leis an mbaisc iomlán:

n + 1 = 1+(σm/γ)2, slánaithe suas go dtí an chéad slánuimhir eile is airde

i gcás:

γ = 0,043 N/kN le haghaidh bhoinn C1 agus bhoinn C2;
γ = 0,035 N/kN le haghaidh bhoinn C3,

6.   An nós imeachta chun saotharlann iarrthach a ailíniú

Déanfaidh saotharlann tagartha (l) amháin den líonra an fheidhm cúlchéimnithe línigh ar shonraí aonair uile na saotharlainne iarrthaí (c) a ríomh (c). Déanfar na comhéifeachtaí cúlchéimnithe, A2c agus B2c, a ríomh mar seo a leanas:

RRCm,l = A2 c × RRCm,c + B2 c

i gcás:

inarb é RRCm,l

luach tomhaiste aonair chomhéifeacht na friotaíochta rollta ag an tsaotharlann tagartha (l) (lena n-áirítear ceartúcháin i leith teochta agus trastomhais druma);

inarb é RRCm,c

luach tomhaiste aonair chomhéifeacht na friotaíochta rollta ag an tsaotharlann iarrthach (c) (lena n-áirítear ceartúcháin i leith teochta agus trastomhais druma)

Má tá comhéifeacht chinntiúcháin R2 faoi bhun 0,97, ní dhéanfar an tsaotharlann iarrthach a ailíniú.

Déanfar RRC ailínithe bonn arna dtástáil ag an tsaotharlann iarrthach a ríomh mar a leanas:

RRC = (A1 l × A2 c ) × RRCm,c + (A1 l × B2 c + B1 l )

1. Forbhreathnú

,

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 05.06.2020 00:00:00 -Doknr: CELEX:32020R0740
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.