Airteagal 7 Seiceáil ar chomhlíonadh

1.   Déanfaidh an t-údarás inniúil fíorú chun a fháil amach an bhfuil na coinníollacha a leagtar amach sa chead á gcomhlíonadh. Déanfar seiceálacha ar chomhlíonadh trí bhíthin na modhanna seo a leanas:

2.   I gcás neamhchomhlíonadh na gcoinníollacha a leagtar amach sa chead, ceanglóidh an t-údarás inniúil ar an oibreoir saoráide athshlánaithe agus, i gcás inarb ábhartha, ar na páirtithe freagracha eile aon bhearta is gá a dhéanamh chun an comhlíonadh a athbhunú gan mhoill agus na húsáideoirí deiridh dá ndéantar difear a chur ar an eolas láithreach.

3.   I gcás inarb ionann neamhchomhlíonadh na gcoinníollacha a leagtar amach sa chead agus riosca suntasach don chomhshaol, do shláinte an duine nó do shláinte ainmhithe, déanfaidh an t-oibreoir saoráide athshlánaithe nó aon pháirtithe freagracha eile soláthar an uisce athshlánaithe a chur ar fionraí láithreach go dtí go gcinnfidh an t-údarás inniúil go ndearnadh an comhlíonadh a athbhunú, de réir nósanna imeachta a shainítear sa phlean bainistithe riosca um athúsáid uisce, i gcomhréir le pointe (a) de Roinn 2 d’Iarscríbhinn I.

4.   Má tharlaíonn teagmhas a dhéanann difear do chomhlíonadh na gcoinníollacha a leagtar amach sa chead, cuirfidh an t-oibreoir saoráide athshlánaithe nó aon pháirtithe freagracha eile an t-údarás inniúil agus páirtithe eile a bhféadfadh sé go ndéanfaí difear dóibh ar an eolas láithreach, agus cuirfidh siad in iúl don údarás inniúil an t-eolas is gá chun tionchar an teagmhais sin a mheasúnú.

5.   Déanfaidh an t-údarás inniúil a fhíorú go rialta go bhfuil na bearta agus na cúraimí a leagtar amach sa phlean bainistithe riosca um athúsáid uisce á gcomhlíonadh ag na páirtithe freagracha.