1. I gcás ina bhfuil ábharthacht trasteorann ag baint le hathúsáid uisce, ainmneoidh na Ballstáit pointe teagmhála chun críoch comhair le pointí teagmhála agus údaráis inniúla na mBallstát eile, de réir mar is iomchuí, nó úsáidfidh siad struchtúir atá ann cheana a eascraíonn ó chomhaontuithe idirnáisiúnta chun críoch comhair.
Is é an ról a bheidh ag na pointí teagmhála nó na struchtúir atá ann cheana:
|
(a)
|
iarratais ar chúnamh a fháil agus a tharchur;
|
|
(b)
|
cúnamh a thabhairt nuair a iarrtar é; agus
|
|
(c)
|
an chumarsáid a chomhordú idir na húdaráis inniúla.
|
Sula ndéanfaidh siad cead a dheonú, malartóidh na húdaráis inniúla faisnéis maidir leis na coinníollacha a leagtar amach in Airteagal 6(3) leis an bpointe teagmhála sa Bhallstát ina mbeartaítear uisce athshlánaithe a úsáid.