Airteagal 7 Cur chun feidhme beartais maidir le húsáid chóir agus an tsásra inbhuanaitheachta

1.   Chun a áirithiú go mbeidh Airteagal 5 agus Airteagal 6 á gcur i bhfeidhm go comhsheasmhach, déanfaidh an Coimisiún, tar éis dó dul i gcomhairle le BEREC, gníomhartha cur chun feidhme a ghlacadh lena leagfar síos rialacha mionsonraithe maidir leis an méid seo a leanas:

Déanfar na gníomhartha cur chun feidhme dá dtagraítear sa chéad fhomhír den mhír seo a ghlacadh i gcomhréir leis an nós imeachta scrúdúcháin dá dtagraítear in Airteagal 20(2).

Déanfaidh an Coimisiún, tar éis dó dul i gcomhairle le BEREC, athbhreithniú tréimhsiúil ar na gníomhartha cur chun feidhme dá dtagraítear sa chéad fhomhír i bhfianaise forbairtí ar an margadh.

2.   Agus gníomhartha cur chun feidhme lena leagfar síos rialacha mionsonraithe i ndáil le cur i bhfeidhm beartas maidir le húsáid chóir á nglacadh aige, cuirfidh an Coimisiún an méid seo a leanas san áireamh:

3.   Bunóidh an Coimisiún na gníomhartha cur chun feidhme dá dtagraítear i mír 1, pointe (b) agus pointe (c), ar an méid seo a leanas:

4.   Déanfaidh an t-údarás rialála náisiúnta agus, i gcás inarb infheidhme maidir le feidhmiú na gcumhachtaí arna dtabhairt dóibh leis an dlí náisiúnta lena dtrasuitear Treoir (AE) 2018/1972, údaráis inniúla eile dianfhaireachán agus dianmhaoirseacht ar chur i bhfeidhm beartas maidir le húsáid chóir. Déanfaidh an t-údarás rialála náisiúnta dianfhaireachán agus dianmhaoirseacht ar chur i bhfeidhm na mbeart maidir le hinbhuanaitheacht soláthar seirbhísí fánaíochta miondíola ar phraghsanna baile, agus lánaird á tabhairt ar na tosca oibiachtúla ábhartha a bhaineann go sonrach leis an mBallstát lena mbaineann agus ar na héagsúlachtaí ábhartha oibiachtúla idir soláthraithe seirbhísí fánaíochta. Gan dochar don nós imeachta a leagtar amach in Airteagal 6(3), déanfaidh an t-údarás náisiúnta rialála ceanglais Airteagal 5 agus Airteagal 6 agus na gníomhartha cur chun feidhme dá bhforáiltear i mír 2 den Airteagal seo, a fhorfheidhmiú ar bhonn tráthúil. Féadfaidh an t-údarás náisiúnta rialála, tráth ar bith, a cheangal ar an soláthraí seirbhísí fánaíochta an formhuirear a leasú nó gan leanúint de más rud é nach gcomhlíontar Airteagal 5 nó 6 leis.

Déanfaidh údaráis inniúla eile ceanglais Airteagal 5 agus ceanglais na ngníomhartha cur chun feidhme atá ábhartha maidir le feidhmiú na gcumhachtaí arna dtabhairt dóibh leis an dlí náisiúnta lena dtrasuitear Treoir (AE) 2018/1972, de réir mar a bheidh, a fhorfheidhmiú.

Cuirfidh an t-údarás rialála náisiúnta agus, i gcás inarb infheidhme, údaráis inniúla eile an Coimisiún ar an eolas go bliantúil maidir le cur i bhfeidhm Airteagal 5 agus Airteagal 6, agus maidir le cur i bhfeidhm an Airteagail seo.

5.   Leanfaidh Rialachán Cur Chun Feidhme (AE) 2016/2286 d’fheidhm a bheith aige go dtí dáta cur i bhfeidhm gnímh nua cur chun feidhme a ghlactar de bhun mhír 1 den Airteagal seo.