Artikolu 7 Implimentazzjoni tal-mekkaniżmu tal-politika ta’ użu ġust u tas-sostenibbiltà

1.   Biex tiżgura applikazzjoni konsistenti tal-Artikoli 5 u 6, il-Kummissjoni għandha, wara li tikkonsulta mal-BEREC, tadotta atti ta’ implimentazzjoni li jistabbilixxu regoli dettaljati dwar dan li ġej:

L-atti ta’ implimentazzjoni msemmija fl-ewwel subparagrafu ta’ dan il-paragrafu għandhom jiġu adottati skont il-proċedura ta’ eżami msemmija fl-Artikolu 20(2).

Il-Kummissjoni għandha, wara li tikkonsulta mal-BEREC, tirrieżamina l-atti ta’ implimentazzjoni msemmija fl-ewwel subparagrafu perjodikament fid-dawl tal-iżviluppi fis-suq.

2.   Meta tadotta atti ta’ implimentazzjoni li jistabbilixxu regoli dettaljati dwar l-applikazzjoni tal-politiki ta’ użu ġust, il-Kummissjoni għandha tqis dan li ġej:

3.   Il-Kummissjoni għandha tibbaża l-atti ta’ implimentazzjoni msemmija fil-paragrafu 1, il-punti (b) u (c) fuq dan li ġej:

4.   L-awtorità regolatorja nazzjonali u, fejn applikabbli għall-eżerċizzju tas-setgħat mogħtija lilhom mil-liġi nazzjonali li tittrasponi d-Direttiva (UE) 2018/1972, awtoritajiet kompetenti oħra għandhom jimmonitorjaw u jissorveljaw b’mod strett l-applikazzjoni ta’ politiki ta’ użu ġust. L-awtorità regolatorja nazzjonali għandha timmonitorja u tissorvelja b’mod strett l-applikazzjoni tal-miżuri dwar is-sostenibbiltà tal-forniment ta’ servizzi tar-roaming bl-imnut bi prezzijiet domestiċi, filwaqt li tqis bir-reqqa l-fatturi oġġettivi rilevanti speċifiċi għall-Istat Membru kkonċernat u l-varjazzjonijiet oġġettivi rilevanti bejn il-fornituri tar-roaming. Mingħajr preġudizzju għall-proċedura stabbilita fl-Artikolu 6(3), l-awtorità regolatorja nazzjonali għandha, tinforza fil-ħin, ir-rekwiżiti tal-Artikoli 5 u 6 u l-atti ta’ implimentazzjoni previsti fil-paragrafu 2 ta’ dan l-Artikolu. L-awtorità regolatorja nazzjonali tista’ titlob fi kwalunkwe ħin lill-fornitur tar-roaming jemenda t-tariffa supplimentari jew iwaqqafha jekk din ma tkunx tikkonforma mal-Artikoli 5 jew 6.

Awtoritajiet kompetenti oħra għandhom jinfurzaw ir-rekwiżiti tal-Artikolu 5 u tal-atti ta’ implimentazzjoni li huma rilevanti għall-eżerċizzju tas-setgħat mogħtija lilhom mil-liġi nazzjonali li tittrasponi d-Direttiva (UE) 2018/1972, skont il-każ.

Kull sena, l-awtorità regolatorja nazzjonali u, fejn applikabbli, awtoritajiet kompetenti oħra għandhom jinfurmaw lill-Kummissjoni dwar l-applikazzjoni tal-Artikoli 5 u 6, u ta’ dan l-Artikolu.

5.   Ir-Regolament ta’ Implimentazzjoni (UE) 2016/2286 għandu jibqa’ japplika sad-data tal-applikazzjoni ta’ att ta’ implimentazzjoni ġdid adottat skont il-paragrafu 1 ta’ dan l-Artikolu.