IARSCRÍBHINN XIII

an fhaisnéis a shonraítear i gCuid A d’Iarscríbhinn VI;

comhdhéanamh ábhair an cheallra, lena n-áirítear a cheimic, substaintí guaiseacha atá sa cheallra, seachas mearcair, caidmiam nó luaidhe, agus amhábhair chriticiúla atá sa cheallra;

an fhaisnéis maidir leis an lorg carbóin dá dtagraítear in Airteagal 7(1) agus (2);

faisnéis maidir le foinsiú freagrach mar a léirítear sa tuarascáil maidir le beartais díchill chuí maidir le ceallraí dá dtagraítear in Airteagal 52(3);

faisnéis maidir le hábhar athchúrsáilte mar atá sa doiciméadacht dá dtagraítear in Airteagal 8(1);

sciar an ábhair in-athnuaite;

toilleadh rátaithe (in Ah);

voltas íosta, ainmniúil agus uasta, leis na raoin teochta nuair is ábhartha;

toilleadh cumhachta bunaidh (i Vatanna) agus teorainneacha, leis an raon teochta nuair is ábhartha;

saolré ionchasach an cheallra arna sloinneadh de réir timthriallta, agus an tástáil tagartha a úsáideadh;

an tairseach toillte i gcomhair tnáitheadh (i gcás ceallraí feithiclí leictreacha amháin);

an raon teochta is féidir leis an gceallra a sheasamh nuair nach mbíonn sé in úsáid (tástáil tagartha);

an tréimhse lena mbaineann an baránta tráchtála saoil féilire;

éifeachtúlacht fuinnimh dé-aistir tosaigh agus ag 50 % den tsaolré;

friotaíocht inmheánach na cille ceallra agus na phacáiste ceallraí;

c-ráta na tástála saolré ábhartha;

na ceanglais mharcála a leagtar síos in Airteagal 13(4) agus (5);

an dearbhú comhréireachta AE dá dtagraítear in Airteagal 18;

an fhaisnéis maidir le cosc agus bainistiú ceallraí dramhaíola a leagtar síos in Airteagal 74(1), pointí (a) go (f).

comhdhéanamh mionsonraithe, lena n-áirítear na hábhair a úsáidtear sa chatóid, san anóid agus sa leictrilít;

uimhreacha páirte comhpháirteanna agus sonraí teagmhála na bhfoinsí le haghaidh páirteanna spártha athsholáthair;

faisnéis díchóimeála, lena n-áirítear iad seo a leanas ar a laghad:

bearta sábháilteachta.

na luachanna le haghaidh paraiméadair feidhmíochta agus mharthanachta dá dtagraítear in Airteagal 10(1), nuair a chuirfear an ceallra ar an margadh agus nuair a bheidh sé faoi réir athrú ar a stádas;

faisnéis maidir le staid sláinte an cheallra de bhun Airteagal 14;

faisnéis maidir le stádas an cheallra, arna shainmhíniú mar “bunaidh”, “a chuspóir athraithe”, “athúsáidte”, “athmhonaraithe” nó “dramhaíl”;

faisnéis agus sonraí mar thoradh ar a húsáid, lena n-áirítear líon na dtimthriallta luchtaithe agus scaoilte agus na dteagmhas diúltach, amhail tionóiscí, chomh maith le faisnéis a taifeadadh ar bhonn tréimhsiúil maidir leis na dálaí comhshaoil oibriúcháin, lena n-áirítear an teocht, agus faoin staid muirir.