Airteagal 6 Spriocanna maidir le bonneagar athbhreoslaithe hidrigine le haghaidh feithiclí bóthair

Chuige sin, áiritheoidh na Ballstáit faoin 31 Nollaig 2030 maidir le stáisiúin athbhreoslaithe hidrigine atá inrochtana don phobal, a dearadh ar bhealach a mbeidh toilleadh carnach íosta de thona amháin in aghaidh an lae acu agus atá feistithe le rannóir 700 bar ar a laghad, go n-imscarfar na stáisiúin sin agus achar uasta 200 km eatarthu feadh an chroíghréasáin TEN-T.

Áiritheoidh na Ballstáit faoin 31 Nollaig 2030 go ndéanfar stáisiún athbhreoslaithe hidrigine amháin ar a laghad atá inrochtana don phobal a imscaradh i ngach nód uirbeach. Áiritheoidh na Ballstáit go ndéanfar anailís chun an suíomh is fearr do stáisiúin athbhreoslaithe den sórt sin a chinneadh agus go ndéanfar scrúdú san anailís go háirithe ar imscaradh stáisiún athbhreoslaithe den sórt sin i moil ilmhódacha ina bhféadfaí modhanna iompair eile a sholáthar freisin.

Leagfaidh na Ballstáit amach ina gcreataí beartais náisiúnta conair líneach shoiléir i dtreo spriocanna 2030 a bhaint amach, mar aon le sprioc tháscach shoiléir do 2027 lena soláthrófar cumhdach leordhóthanach ar an gcroíghréasán TEN-T d’fhonn éilimh shíorathraitheacha an mhargaidh a chomhlíonadh.

I gcásanna den sórt sin, tabharfaidh na Ballstáit údar lena gcinntí don Choimisiún agus cuirfidh siad an fhaisnéis ábhartha uile ar fáil ina gcreataí beartais náisiúnta.