|
+Airteagal 17 6. |
Airteagal 17 6.Ar bhonn na gcreataí beartais náisiúnta críochnaitheacha dá dtagraítear in Airteagal 14(11), na dtuarascálacha náisiúnta ar dhul chun cinn dá dtagraítear in Airteagal 15(1) agus na dtuarascálacha dá dtagraítear in Airteagal 18(1), déanfaidh an Coimisiún faisnéis maidir leis na spriocanna náisiúnta agus na cuspóirí arna dtíolacadh ag gach Ballstát a chur ar fáil go poiblí agus a thabhairt cothrom le dáta go rialta maidir leis an méid seo a leanas:
(a)
an líon pointí agus stáisiún athluchtaithe atá inrochtana don phobal, ar leithligh i gcás pointí athluchtaithe atá tiomnaithe d’fheithiclí saothair éadroim agus pointí athluchtaithe agus stáisiúin athluchtaithe atá tiomnaithe d’fheithiclí tromshaothair, agus i gcomhréir leis an gcatagóiriú dá bhforáiltear in Iarscríbhinn III;
(b)
an líon pointí athbhreoslaithe hidrigine atá inrochtana don phobal;
(c)
an bonneagar le haghaidh soláthar leictreachais cois cladaigh i gcalafoirt mhuirí agus i gcalafoirt uiscebhealaigh intíre den chroíghréasán TEN-T agus den ghréasán cuimsitheach TEN-T;
(d)
an bonneagar le haghaidh soláthar leictreachais d’aerárthaí ina stad in aerfoirt den chroíghréasán TEN-T agus den ghréasán cuimsitheach TEN-T;
(e)
an líon pointí athbhreoslaithe le haghaidh meatán leachtaithe i gcalafoirt mhuirí agus i gcalafoirt uiscebhealaigh intíre den chroíghréasán TEN-T agus den ghréasán cuimsitheach TEN-T;
(f)
an líon pointí athbhreoslaithe le haghaidh meatán leachtaithe atá inrochtana don phobal le haghaidh mótarfheithiclí;
(g)
an líon pointí athbhreoslaithe le haghaidh GNC atá inrochtana don phobal le haghaidh mótarfheithiclí;
(h)
pointí athluchtaithe agus athbhreoslaithe le haghaidh breoslaí malartacha eile i gcalafoirt mhuirí agus i gcalafoirt uiscebhealaigh intíre den chroíghréasán TEN-T agus den ghréasán cuimsitheach TEN-T;
(i)
pointí athluchtaithe agus athbhreoslaithe le haghaidh breoslaí malartacha ag aerfoirt den chroíghréasán TEN-T agus den ghréasán cuimsitheach TEN-T;
(j)
pointí athluchtaithe agus athbhreoslaithe maidir le breoslaí malartacha i gcás iompar d’iarnród. 1. Forbhreathnú
1.1 Tagairtí1.2 Ceanglais aitheanta1.3 Caighdeáin ghaolmhara2. Ceanglais aitheanta
3. Caighdeáin ghaolmhara
|