+Airteagal 16 Fíorú agus ríomh
---+Airteagal 16 1
---+Airteagal 16 2
---+Airteagal 16 3
---+Airteagal 16 4
---+Airteagal 16 5

Airteagal 16 Fíorú agus ríomh

1. Forbhreathnú

,
Airteagal 16 1

1.   Tar éis an fhíoraithe mar a leagtar amach in Airteagail 11, 12 agus 13, déanfaidh an fíoraitheoir measúnú ar cháilíocht, ar iomláine agus ar chruinneas na tuarascála FuelEU. Chun na críche sin, úsáidfidh an fíoraitheoir aon fhaisnéis atá i mbunachar sonraí FuelEU, lena n-áirítear faisnéis arna soláthar faoi chuarda calafoirt i gcomhréir le hAirteagal 6.
Airteagal 16 2

2.   Nuair is é conclúid an mheasúnaithe fhíoraithe dá dtagraítear i mír 1, le dearbhú réasúnach ón bhfíoraitheoir, go bhfuil an tuarascáil FuelEU saor ó mhíráitis nó neamhchomhréireachtaí ábhartha, tabharfaidh an fíoraitheoir fógra don chuideachta lena mbaineann faoin tuarascáil fíorúcháin ina luaitear go bhfuil an tuarascáil FuelEU i gcomhréir leis an Rialachán seo. Sonrófar sa tuarascáil fíorúcháin na saincheisteanna ar fad a bhaineann leis an obair atá ar bun ag an bhfíoraitheoir.
Airteagal 16 3

3.   I gcás ina sainaithnítear leis an measúnú fíorúcháin míráitis nó neamh-chomhréireachtaí leis an Rialachán seo, cuirfidh an fíoraitheoir an chuideachta lena mbaineann ar an eolas faoi go tráthúil. Déanfaidh an chuideachta, gan aon mhoill mhíchuí, na míráitis nó na neamh-chomhréireachtaí a cheartú ansin ionas go bhféadfar an próiseas fíoraithe a chríochnú go tráthúil agus déanfaidh sí an tuarascáil athbhreithnithe FuelEU agus aon fhaisnéis eile is gá chun na mí-ráitis nó na neamh-chomhréireachtaí a sainaithníodh a cheartú a chur chuig an bhfíoraitheoir. Ina thuarascáil fíorúcháin, luafaidh an fíoraitheoir an gcomhlíonann an tuarascáil FuelEU, arna leasú, an Rialachán seo. I gcás nár ceartaíodh na míráitis nó na neamh-chomhréireachtaí a cuireadh in iúl agus ina n-eascraíonn míráitis ábhartha astu, tabharfaidh an fíoraitheoir fógra don chuideachta faoin tuarascáil fíorúcháin ina luafar nach gcomhlíonann tuarascáil FuelEU an Rialachán seo.
Airteagal 16 4

4.   Ar bhonn thuarascáil FuelEU a bheidh i gcomhréir leis an Rialachán seo, déanfaidh an fíoraitheoir an méid seo a leanas a ríomh:

(a)

meándéine bhliantúil GCT an fhuinnimh arna úsáid ag an long lena mbaineann ar bord, agus úsáid á baint as an modheolaíocht a shonraítear in Iarscríbhinn I;

(b)

iarmhéid comhlíontachta na loinge, agus úsáid á baint as an bhfoirmle a shonraítear i gCuid A d’Iarscríbhinn IV;

(c)

líon na gcuairteanna neamhchomhlíontacha ar chalafort sa tréimhse tuairiscithe roimhe sin lena n-áirítear an t-am a caitheadh ar múráil le cé agus, i gcás inarb infheidhme i gcomhréir le hAirteagal 6(9), ar ancaire, le haghaidh gach cuarda ar chalafort a dhéanann an long nach bhfuil i gcomhlíonadh leis na ceanglais a leagtar amach in Airteagal 6;

(d)

méid an fhuinnimh bhliantúil arna úsáid ag long ar bord, gan fuinneamh ó OPS a áireamh;

(e)

méid an fhuinnimh bhliantúil arna úsáid ag long ar bord ón RFNBO.
Airteagal 16 5

5.   Faoin 31 Márta den tréimhse fíorúcháin, tabharfaidh an fíoraitheoir fógra don chuideachta faoin bhfaisnéis dá dtagraítear i mír 4 agus déanfaidh sé an tuarascáil FuelEU, a bheidh i gcomhréir leis an Rialachán seo, an tuarascáil fíorúcháin agus an fhaisnéis dá dtagraítear i mír 4 a thaifeadadh i mbunachar sonraí FuelEU.

Beidh rochtain ag an Stát riaracháin ar an bhfaisnéis uile a thaifeadfar i mbunachar sonraí FuelEU.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 22.09.2023 00:00:00 -Doknr: CELEX:32023R1805
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.