Artikolu 16 Verifika u kalkolu

1.   Wara l-verifika kif stipulat fl-Artikoli 11, 12 u 13, il-verifikatur għandu jivvaluta l-kwalità, il-kompletezza u l-akkuratezza tar-rapport FuelEU. Għal dak il-għan, il-verifikatur għandu juża kwalunkwe informazzjoni li tinsab fil-bażi tad-data FuelEU, inkluż l-informazzjoni pprovduta dwar waqfiet f’port f’konformità mal-Artikolu 6.

2.   Fejn il-valutazzjoni tal-verifika msemmija fil-paragrafu 1 tikkonkludi, b’assigurazzjoni raġonevoli mill-verifikatur, li r-rapport FuelEU jkun ħieles minn dikjarazzjonijiet skorretti jew nuqqasijiet ta’ konformità materjali, il-verifikatur għandu jinnotifika lill-kumpanija kkonċernata b’rapport ta’ verifika li jindika li r-rapport FuelEU jikkonforma ma’ dan ir-Regolament. Ir-rapport ta’ verifika għandu jispeċifika l-kwistjonijiet kollha rilevanti għall-ħidma mwettqa mill-verifikatur.

3.   Fejn il-valutazzjoni tal-verifika tidentifika dikjarazzjonijiet skorretti jew nuqqasijiet ta’ konformità ma’ dan ir-Regolament, il-verifikatur għandu jinforma lill-kumpanija kkonċernata dwar dan f’waqtu. Il-kumpanija għandha, mingħajr dewmien żejjed, tikkoreġi d-dikjarazzjonijiet skorretti jew in-nuqqasijiet ta’ konformità sabiex tippermetti li jiġi ffinalizzat il-proċess ta’ verifika fil-ħin u għandha tippreżenta lill-verifikatur rapport FuelEU emendat u kwalunkwe informazzjoni oħra meħtieġa biex tikkoreġi d-dikjarazzjonijiet skorretti jew n-nuqqasijiet ta’ konformità identifikati. Fir-rapport ta’ verifika tiegħu, il-verifikatur għandu jindika jekk ir-rapport FuelEU emendat jikkonformax ma’ dan ir-Regolament. Fejn id-dikjarazzjonijiet skorretti jew in-nuqqasijiet ta’ konformità kkomunikati ma jkunux ġew ikkoreġuti u dawn iwasslu għal dikjarazzjonijiet skorretti materjali, il-verifikatur għandu jinnotifika lill-kumpanija b’rapport ta’ verifika li jindika li r-rapport FuelEU ma jikkonformax ma’ dan ir-Regolament.

4.   Abbażi tar-rapport FuelEU li jikkonforma ma’ dan ir-Regolament, il-verifikatur għandu jikkalkula:

5.   Sal-31 ta’ Marzu tal-perjodu ta’ verifika, il-verifikatur għandu jinnotifika lill-kumpanija bl-informazzjoni msemmija fil-paragrafu 4 u jirreġistra fil-bażi tad-data FuelEU r-rapport FuelEU konformi ma’ dan ir-Regolament, ir-rapport ta’ verifika u l-informazzjoni msemmija fil-paragrafu 4.

L-informazzjoni kollha rreġistrata fil-bażi tad-data FuelEU għandha tkun aċċessibbli għall-Istat amministrattiv.