IARSCRÍBHINN IV Toirmisc maidir le cur ar an margadh dá dtagraítear in airteagal 11(1)

Táirgí agus trealamh

Dáta an toirmisc

(1)  Coimeádáin nach féidir a athlíonadh le haghaidh gáis ceaptha teasa fhluairínithe a liostaítear in Iarscríbhinn I, ar coimeádáin iad atá folamh, líonta go páirteach nó go hiomlán, a úsáidtear chun trealamh cuisniúcháin, aerchóiriúcháin nó teaschaidéil, córais chosanta ar dhóiteáin nó lascthrealamh leictreach a sheirbhísiú, a chothabháil nó a líonadh, nó a mbaintear feidhm astu mar thuaslagóirí.

4 Iúil 2007

TREALAMH CUISNIÚCHÁIN DO-AISTRITHE

(2)  Cuisneoirí agus reoiteoirí tí:

(a)  ina bhfuil HFCanna ar 150 nó níos mó a n-acmhainneacht téimh dhomhanda;

1 Eanáir 2015

(b)  ina bhfuil gáis ceaptha teasa fhluairínithe, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh.

1 Eanáir 2026

(3)  Cuisneoirí agus reoiteoirí le haghaidh úsáid tráchtála (trealamh féinchuimsitheach):

(a)  ina bhfuil HFCanna ar 2 500 nó níos mó a n-acmhainneacht téimh dhomhanda;

1 Eanáir 2020

(b)  ina bhfuil HFCanna ar 150 nó níos mó a n-acmhainneacht téimh dhomhanda;

1 Eanáir 2022

(c)  ina bhfuil gáis ceaptha teasa fhluairínithe eile ar 150 nó níos mó a n-acmhainneacht téimh dhomhanda.

1 Eanáir 2025

(4)  Aon trealamh cuisniúcháin féinchuimsitheach, seachas fuaraitheoirí, ina bhfuil gáis ceaptha teasa fhluairínithe, ar 150 nó níos mó a n-acmhainneacht téimh dhomhanda, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh.

1 Eanáir 2025

(5)  Trealamh cuisniúcháin, seachas fuaraitheoirí agus trealamh a chumhdaítear i bpointí (4) agus (6), ina bhfuil na nithe seo a leanas, nó a bhfuil a bhfeidhmiú ag brath ar an méid seo a leanas:

(a)  HFCanna ar 2 500 nó níos mó a n-acmhainneacht téimh dhomhanda seachas trealamh a bhfuil sé beartaithe é a úsáid chun táirgí a fhuarú go teochtaí faoi bhun – 50 °C;

1 Eanáir 2020

(b)  gáis ceaptha teasa fhluairínithe ar 2 500 nó níos mó a n-acmhainneacht téimh dhomhanda, seachas trealamh a bhfuil sé beartaithe é a úsáid chun táirgí a fhuarú go teochtaí faoi bhun – 50 °C;

1 Eanáir 2025

(c)  gáis ceaptha teasa fhluairínithe ar 150 nó níos mó a n-acmhainneacht téimh dhomhanda, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh.

1 Eanáir 2030

(6)  Córais cuisniúcháin láraithe ilphacáiste le haghaidh úsáid tráchtála a bhfuil toilleadh ainmniúil 40 kW nó níos mó acu ina bhfuil gáis ceaptha teasa fhluairínithe a liostaítear in Iarscríbhinn I ar 150 nó níos mó a n-acmhainneacht téimh dhomhanda, nó a bhraitheann ar na gáis sin lena bhfeidhmiú, ach amháin i gcás príomhchiorcad cuisneáin córas cascáide ina bhféadfar gáis ceaptha teasa fhluairínithe ar 1 500 nó níos lú a n-acmhainneacht téimh dhomhanda a úsáid.

1 Eanáir 2022

FUARAITHEOIRÍ DO-AISTRITHE

(7)  Fuaraitheoirí a bhfuil na gáis seo a leanas iontu, nó a bhraitheann ar na gáis seo a leanas lena bhfeidhmiú:

(a)  HFCanna ar 2 500 nó níos mó a n-acmhainneacht téimh dhomhanda seachas trealamh a bhfuil sé beartaithe é a úsáid chun táirgí a fhuarú go teochtaí faoi bhun – 50 °C;

1 Eanáir 2020

(b)  gáis ceaptha teasa fhluairínithe ar 150 nó níos mó a n-acmhainneacht téimh dhomhanda le haghaidh fuaraitheoirí suas go dtí toilleadh ainmniúil 12 kW agus an toilleadh sin san áireamh, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh;

1 Eanáir 2027

(c)  gáis ceaptha teasa fhluairínithe le haghaidh fuaraitheoirí a bhfuil toilleadh ainmniúil 12 kW acu agus an toilleadh sin san áireamh, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh;

1 Eanáir 2032

►C2  
(d)  gáis ceaptha teasa fhluairínithe ar 750 nó níos mó a n-acmhainneacht téimh dhomhanda le haghaidh fuaraitheoirí os cionn acmhainneacht rátaithe 12 kW, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh.  ◄

1 Eanáir 2027

TREALAMH AERCHÓIRIÚCHÁIN DO-AISTRITHE AGUS TEASCHAIDÉIL DHO-AISTRITHE

(8)  Trealamh aerchóiriúcháin féinchuimsitheach agus teaschaidéil, seachas fuaraitheoirí, amhail iad seo a leanas:

(a)  trealamh aerchóiriúcháin seomra plugála atá inchorraithe ó sheomra go seomra ag an úsáideoir deiridh ina bhfuil HFCanna ar 150 nó níos mó a n-acmhainneacht téimh dhomhanda;

1 Eanáir 2020

(b)  trealamh aerchóiriúcháin seomra plugála, trealamh aerchóiriúcháin monabloc, trealamh aerchóiriúcháin féinchuimsitheach agus teaschaidéil féinchuimsitheach eile, ag a bhfuil uastoilleadh ainmniúil suas le 12 kW, agus an toilleadh sin san áireamh, ina bhfuil gáis ceaptha teasa fhluairínithe ag a bhfuil acmhainneacht téimh dhomhanda 150 nó níos mó, ach amháin má cheanglaítear orthu ceanglais sábháilteachta a chomhlíonadh. Má fhágann na ceanglais sábháilteachta ag an láithreán oibriúcháin, nach bhféadfaí roghanna malartacha ar gáis ceaptha teasa fhluairínithe a úsáid, ar nó níos lú ná 150 a n-acmhainneacht téimh dhomhanda, is é 750 an teorainn ar acmhainneacht téimh dhomhanda;

1 Eanáir 2027

(c)  trealamh aerchóiriúcháin seomra plugála, trealamh aerchóiriúcháin monabloc, agus trealamh aerchóiriúcháin féinchuimsitheach eile agus teaschaidéil féinchuimsitheach eile, ag a bhfuil uastoilleadh ainmniúil suas le 12 kW, agus an toilleadh sin san áireamh, ina bhfuil gáis ceaptha teasa fhluairínithe, ach amháin má cheanglaítear orthu ceanglais sábháilteachta a chomhlíonadh. Má fhágann na ceanglais sábháilteachta ag an láithreán oibriúcháin nach bhféadfaí roghanna malartacha ar gháis ceaptha teasa fhluairínithe a úsáid, is é 750 teorainn na hacmhainneachta téimh dhomhanda;

1 Eanáir 2032

(d)  trealamh aerchóiriúcháin monabloc agus aerchóiriúcháin féinchuimsitheach eile agus teaschaidéil, a bhfuil uastoilleadh ainmniúil acu is mó ná 12 kW ach nach mó ná 50 kW agus ina bhfuil gáis ceaptha teasa fhluairínithe ar 150 nó níos mó a n-acmhainneacht téimh dhomhanda, ach amháin má cheanglaítear orthu ceanglais sábháilteachta a chomhlíonadh. Má fhágann na ceanglais sábháilteachta ar shuíomh na suiteála nach bhféadfaí roghanna malartacha ar gháis cheaptha teasa fhluairínithe ar 150 nó níos lú a n-acmhainneacht téimh dhomhanda a úsáid, is é 750 teorainn na hacmhainneachta téimh dhomhanda;

1 Eanáir 2027

(e)  aon trealamh aerchóiriúcháin féinchuimsitheach agus teaschaidéil eile ina bhfuil gáis ceaptha teasa fhluairínithe, ar 150 nó níos mó a n-acmhainneacht téimh dhomhanda, ach amháin má cheanglaítear orthu ceanglais sábháilteachta a chomhlíonadh. I gcás ina bhfágfadh na ceanglais sábháilteachta ag an láithreán oibriúcháin nach bhféadfaí gáis ceaptha teasa fhluairínithe ar 150 nó níos lú a n-acmhainneacht téimh dhomhanda a úsáid, is é 750 teorainn na hacmhainneachta téimh dhomhanda.

1 Eanáir 2030

(9)  Trealamh roinnte aerchóiriúcháin agus teaschaidéil (1):

(a)  Córais aonair roinnte ina bhfuil níos lú ná 3 kg de gháis ceaptha teasa fhluairínithe a liostaítear in Iarscríbhinn I, ina bhfuil gáis ceaptha teasa fhluairínithe a liostaítear in Iarscríbhinn I ar 750 nó níos mó a n-acmhainneacht téimh dhomhanda nó a bhraitheann ar na gáis sin lena bhfeidhmiú;

1 Eanáir 2025

(b)  Córais roinnte aer go huisce a bhfuil toilleadh ainmniúil suas le 12 kW agus an toilleadh sin san áireamh acu ina bhfuil gáis ceaptha teasa fhluairínithe ar 150 nó níos mó a n-acmhainneacht téimh dhomhanda, nó a bhraitheann ar na gáis sin lena bhfeidhmiú, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh;

1 Eanáir 2027

(c)  Córais roinnte aer go haer a bhfuil toilleadh ainmniúil suas le 12 kW agus an toilleadh sin san áireamh acu ina bhfuil gáis ceaptha teasa fhluairínithe ar 150 nó níos mó a n-acmhainneacht téimh dhomhanda, nó a bhraitheann ar na gáis sin lena bhfeidhmiú, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh;

1 Eanáir 2029

(d)  Córais roinnte a bhfuil toilleadh ainmniúil suas le 12 kW agus an toilleadh sin san áireamh acu ina bhfuil gáis ceaptha teasa fhluairínithe, nó a bhraitheann ar na gáis sin lena bhfeidhmiú, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh;

1 Eanáir 2035

(e)  Córais roinnte a bhfuil toilleadh ainmniúil 12 kW nó níos mó acu ina bhfuil gáis ceaptha teasa fhluairínithe ar 750 nó níos mó a n-acmhainneacht téimh dhomhanda, nó a bhraitheann ar na gáis sin lena bhfeidhmiú, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh;

1 Eanáir 2029

(f)  Córais roinnte a bhfuil toilleadh ainmniúil 12 kW nó níos mó acu ina bhfuil gáis ceaptha teasa fhluairínithe ar 150 nó níos mó a n-acmhainneacht téimh dhomhanda, nó a bhraitheann ar na gáis sin lena bhfeidhmiú, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh.

1 Eanáir 2033

TÁIRGÍ AGUS TREALAMH EILE

(10)  Córais galaithe dhírigh neamhghaibhnithe a bhfuil HCFanna agus PFCanna ina gcuisneáin iontu.

4 Iúil 2007

(11)  Trealamh cosanta ar dhóiteáin:

(a)  a bhfuil PFCanna ann;

4 Iúil 2007

(b)  a bhfuil HFC-23 ann;

1 Eanáir 2016

(c)  a bhfuil gáis ceaptha teasa fhluairínithe eile a liostaítear in Iarscríbhinn I ann nó a bhraitheann orthu, ach amháin má cheanglaítear orthu ceanglais sábháilteachta ag an láithreán oibriúcháin a chomhlíonadh.

1 Eanáir 2025

(12)  Fuinneoga tí ina bhfuil gáis ceaptha teasa fhluairínithe a liostaítear in Iarscríbhinn I.

4 Iúil 2007

(13)  Fuinneoga eile ina bhfuil gáis ceaptha teasa fhluairínithe a liostaítear in Iarscríbhinn I.

4 Iúil 2008

(14)  Coisbheart ina bhfuil gáis teasa fhuairínithe a liostaítear in Iarscríbhinn I.

4 Iúil 2006

(15)  Boinn ina bhfuil gáis ceaptha teasa fhluairínithe a liostaítear in Iarscríbhinn I.

4 Iúil 2007

(16)  Cúir aon-chomhábhair, ach amháin má cheanglaítear orthu caighdeáin náisiúnta sábháilteachta a chomhlíonadh, ina bhfuil gáis ceaptha teasa fhluairínithe a liostaítear in Iarscríbhinn I ar 150 nó níos mó a n-acmhainneacht téimh domhanda.

4 Iúil 2008

(17)  Cúir:

(a)  Polaistiréin easbhrúite (XPS) ina bhfuil HFCanna ar 150 nó níos mó a n-acmhainneacht téimh domhanda, ach amháin má cheanglaítear orthu caighdeáin náisiúnta sábháilteachta a chomhlíonadh;

1 Eanáir 2020

(b)  Cúir seachas polaistiréin easbhrúite (XPS) ina bhfuil HFCanna ar 150 nó níos mó a n-acmhainneacht téimh dhomhanda, ach amháin má cheanglaítear orthu caighdeáin sábháilteachta náisiúnta a chomhlíonadh;

1 Eanáir 2023

(c)  Cúir ina bhfuil gáis ceaptha teasa fhluairínithe, ach amháin má cheanglaítear orthu ceanglais sábháilteachta a chomhlíonadh.

1 Eanáir 2033

(18)  Gineadóirí aerasóil a chuirtear ar an margadh don ghnáthphobal lena ndíol chun críoch siamsaíochta agus maisithe, mar a liostaítear i bpointe 40 d’Iarscríbhinn XVII a ghabhann le Rialachán (CE) Uimh. 1907/2006, agus adharca fógra, ina bhfuil HFCanna ar 150 nó níos mó a n-acmhainneacht téimh dhomhanda.

4 Iúil 2009

(19)  Aerasóil theicniúla:

(a)  ina bhfuil HFCanna ar 150 nó níos mó a n-acmhainneacht téimh dhomhanda ach amháin má cheanglaítear orthu caighdeáin náisiúnta sábháilteachta a chomhlíonadh nó má úsáidtear iad le haghaidh feidhmeanna leighis;

1 Eanáir 2018

(b)  ina bhfuil gáis ceaptha teasa fhluairínithe, ach amháin má cheanglaítear orthu ceanglais sábháilteachta a chomhlíonadh nó má úsáidtear iad le haghaidh feidhmeanna leighis.

1 Eanáir 2030

(20)  Táirgí cúraim phearsanta (e.g. mús, uachtair, cúir, leachtanna nó spraeanna) ina bhfuil gáis ceaptha teasa fhluairínithe.

1 Eanáir 2025

(21)  Trealamh a úsáidtear chun an chraiceann a fhuarú ina bhfuil gáis ceaptha teasa fhluairínithe ar 150 nó níos mó a acmhainneacht téimh dhomhanda, nó a bhraitheann ar na gáis sin lena bhfeidhmiú, ach amháin má úsáidtear é le haghaidh feidhmeanna leighis.

1 Eanáir 2025