4. Maidir le halóin atá i gcórais chosanta dóiteáin agus i múchtóirí dóiteáin, déanfar, le linn trealamh a chothabháil nó a sheirbhísiú, nó roimh dhíchóimeáil nó roimh dhiúscairt trealaimh, iad a aisghabháil lena n-athchúrsáil nó lena mínghlanadh.
Cuirfear toirmeasc ar halóin a scriosadh mura bhfuil fianaise dhoiciméadaithe ann lena léirítear nach gceadaítear go teicniúil an tsubstaint aisghafa nó athchúrsáilte a mhínghlanadh nó a athúsáid ina dhiaidh sin mar gheall ar an íonacht atá aici. I gcásanna den sórt sin, coinneoidh gnóthais a scriosann halóin an doiciméadacht sin ar feadh 5 bliana ar a laghad. Cuirfear an doiciméadacht sin ar fáil, arna iarraidh sin, d’údaráis inniúla an Bhallstáit lena mbaineann agus don Choimisiún.