+Airteagal 24
---+Airteagal 24 1.
---+Airteagal 24 2.
---+Airteagal 24 3.

Airteagal 24

1. Forbhreathnú

,
Airteagal 24 1.

Oibreoirí eacnamaíocha a dhéanann táirgí tomhaltais gan díol a dhiúscairt go díreach, nó a mbíonn táirgí tomhaltais gan díol á ndiúscairt thar a gceann, nochtfaidh siad an méid seo a leanas:

(a) 

líon agus meáchan na dtáirgí tomhaltais gan díol a dhiúscraítear in aghaidh na bliana, difreáilte de réir cineál táirge nó catagóir táirgí;

(b) 

na cúiseanna le táirgí a dhiúscairt, agus i gcás inarb infheidhme, an maolú ábhartha faoi Airteagal 25(5);

(c) 

cion na dtáirgí diúscartha a sheachadtar, cibé acu go díreach nó trí thríú páirtí, chun dul i mbun gach ceann de na gníomhaíochtaí seo a leanas: ullmhúchán le haghaidh athúsáide, lena n-áirítear athchóiriú agus athmhonaraíocht, athchúrsáil, aisghabháil eile lena n-áirítear oibríochtaí aisghabhála fuinnimh, agus diúscartha i gcomhréir le hord na réiteach dramhaíola mar a shainmhínítear in Airteagal 4 de Threoir 2008/98/CE;

(d) 

bearta a rinneadh agus bearta atá beartaithe chun cosc a chur ar dhíothú táirgí tomhaltais gan díol.

Déanfaidh oibreoirí eacnamaíocha an fhaisnéis dá dtagraítear sa chéad fhomhír a nochtadh ar bhealach soiléir infheicthe ar a laghad ar leathanach dá suíomh gréasáin a bhfuil rochtain éasca air. Oibreoirí eacnamaíocha atá faoi réir na hoibleagáide an tuairisciú inbhuanaitheachta a fhoilsiú ina dtuarascáil bhainistíochta de bhun Airteagal 19a nó 29a de Threoir 2013/34/AE, féadfaidh siad an fhaisnéis sin a áireamh sa tuairisciú inbhuanaitheachta sin freisin.

Déanfaidh oibreoirí eacnamaíocha an fhaisnéis dá dtagraítear sa chéad fhomhír a nochtadh ar bhonn bliantúil agus áireoidh siad mar chuid den fhaisnéis sin na táirgí tomhaltais gan díol a diúscraíodh le linn na bliana airgeadais roimhe sin. Cuirfidh siad an fhaisnéis do gach bliain ar fáil go poiblí. Cumhdófar leis an gcéad nochtadh sin táirgí tomhaltais gan díol agus a diúscraíodh le linn na chéad bhliana airgeadais iomláine ar lena linn a bheidh an Rialachán seo i bhfeidhm.

Ní bheidh feidhm ag an mír seo maidir le micrifhiontair agus fiontair bheaga.

Beidh feidhm ag an mír seo maidir le fiontair mheánmhéide ón 19 Iúil 2030.
Airteagal 24 2.
Cé is moite den chás ina mbeidh an fhaisnéis ar fáil don údarás náisiúnta inniúil ar bhonn gníomh dlí eile, déanfaidh na hoibreoirí eacnamaíocha, arna iarraidh sin don Choimisiún nó d’údarás náisiúnta inniúil, an fhaisnéis agus an doiciméadacht uile is gá a sholáthar chun seachadadh agus fáil na dtáirgí diúscartha a léiriú mar a nochtar de bhun mhír 1, pointe (c), den Airteagal seo, agus, i gcás inarb ábhartha, an fhaisnéis is gá chun infheidhmeacht maolaithe a léiriú faoi Airteagal 25(5). Soláthrófar fhaisnéis agus doiciméadacht den sórt sin ar páipéar nó i bhfoirm leictreonach, laistigh de 30 lá ón iarraidh a fháil.
Airteagal 24 3.
Glacfaidh an Coimisiún gníomhartha cur chun feidhme lena leagfar amach na mionsonraí agus an fhormáid chun an fhaisnéis dá dtagraítear i mír 1 a nochtadh, lena n-áirítear teorannú na gcineálacha táirgí nó na gcatagóirí táirgí agus an chaoi a ndéanfar an fhaisnéis sin a fhíorú.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 73(3).

Déanfar an chéad ghníomh cur chun feidhme den sórt sin a ghlacadh faoin 19 Iúil 2025.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 28.06.2024 00:00:00 -Doknr: CELEX:32024R1781
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.