Airteagal 2 Sainmhínithe

ciallaíonn ‘Cibearmhol Trasteorann’ ardán iltíre, arna bhunú le comhaontú cuibhreannais i scríbhinn lena dtugtar le chéile i struchtúr gréasáin comhordaithe Cibearmhoil Náisiúnta ó thrí Bhallstát ar a laghad, agus atá ceaptha chun faireachán, brath agus anailís ar chibearbhagairtí a fheabhsú chun teagmhais a chosc agus chun tacú le táirgeadh faisnéise maidir le cibearbhagairtí, go háirithe trí shonraí agus faisnéis ábhartha agus, i gcás inarb iomchuí, anaithnidithe a mhalartú, chomh maith le huirlisí úrscothacha a chomhroinnt agus cibearbhrath, anailís agus cumais choisc agus chosanta a fhorbairt go comhpháirteach i dtimpeallacht iontaofa;

ciallaíonn ‘Cuibhreannas Óstach’ cuibhreannas atá comhdhéanta de Bhallstáit rannpháirteacha, a chomhaontaigh Cibearmhol Trasteorann a bhunú agus rannchuidiú le fáil uirlisí, bonneagair nó seirbhísí le haghaidh Cibearmhol Trasteorann agus lena oibriú.

ciallaíonn ‘CSIRT’ CSIRT arna ainmniú nó arna bhunú de bhun Airteagal 10 de Threoir (AE) 2022/2555;

ciallaíonn ‘eintiteas’ eintiteas mar a shainmhínítear in Airteagal 6, pointe (38), de Threoir (AE) 2022/2555;

ciallaíonn ‘eintitis a oibríonn in earnálacha ardchriticiúlachta’ na cineálacha eintiteas a liostaítear in Iarscríbhinn I a ghabhann le Treoir (AE) 2022/2555;

ciallaíonn ‘eintitis a oibríonn in earnálacha criticiúla eile’ na cineálacha eintiteas a liostaítear in Iarscríbhinn II a ghabhann le Treoir (AE) 2022/2555;

ciallaíonn ‘riosca’ riosca mar a shainmhínítear in Airteagal 6, pointe (9), de Threoir (AE) 2022/2555;

ciallaíonn ‘cibearbhagairt’ cibearbhagairt mar a shainmhínítear in Airteagal 2, pointe (8), de Rialachán (AE) 2019/881;

ciallaíonn ‘teagmhas’ teagmhas mar a shainmhínítear in Airteagal 6, pointe (6), de Threoir (AE) 2022/2555;

ciallaíonn ‘teagmhas suntasach cibearshlándála’ teagmhas lena gcomhlíontar na critéir a leagtar amach in Airteagal 23(3) de Threoir (AE) 2022/2555;

ciallaíonn ‘mórtheagmhas’ mórtheagmhas mar a shainmhínítear in Airteagal 3, pointe (8), de Rialachán (AE, Euratom) 2023/2841 ó Pharlaimint na hEorpa agus ón gComhairle ( 1 );

ciallaíonn ‘teagmhas mórscála cibearshlándála’ teagmhas mórscála cibearshlándála mar a shainmhínítear in Airteagal 6, pointe (7), de Threoir (AE) 2022/2555;

ciallaíonn ‘teagmhas cibearshlándála coibhéiseach ar mhórscála’, i gcás institiúidí, comhlachtaí, oifigí agus gníomhaireachtaí de chuid an Aontais, mórtheagmhas agus, i gcás tríú tíortha atá comhlachaithe le CED, teagmhas is cúis le leibhéal suaite is mó ná acmhainneacht tríú tír atá comhlachaithe le CED freagairt air;

ciallaíonn ‘tríú tír atá comhlachaithe le CED’ tríú tír ar páirtí í i gcomhaontú leis an Aontas lena gceadaítear di a bheith rannpháirteach sa Chlár don Eoraip Dhigiteach de bhun Airteagal 10 de Rialachán (AE) 2021/694;

ciallaíonn ‘údarás conarthach’ an Coimisiún nó, a mhéid atá oibriú agus riar Chúltaca Cibearshlándála an Aontais curtha de chúram ar ENISA de bhun Airteagal 14(5), ENISA;

ciallaíonn ‘soláthraí seirbhísí slándála bainistithe’ soláthraí seirbhísí slándála bainistithe mar a shainmhínítear in Airteagal 6, pointe (40), de Threoir (AE) 2022/2555;

ciallaíonn ‘soláthraithe iontaofa seirbhísí slándála bainistithe’ soláthraithe seirbhísí slándála bainistithe a roghnaítear le háireamh i gCúltaca Cibearshlándála an Aontais i gcomhréir le hAirteagal 17.