Airteagal 19 Oibleagáidí na ndáileoirí

1.   Agus iad ag cur pacáistíocht ar an margadh, gníomhóidh dáileoirí go cuí agus go cúramach maidir le ceanglais an Rialacháin seo.

2.   Roimh dóibh pacáistíocht a chur ar fáil ar an margadh, fíoróidh dáileoirí na nithe seo a leanas:

3.   I gcás ina measfaidh dáileoir nó ina bhfuil údar ag dáileoir chun a chreidiúint, sula gcuirfidh sé pacáistíocht ar fáil ar an margadh, nach bhfuil pacáistíocht den sórt sin i gcomhréir leis na ceanglais a leagtar síos in Airteagail 5 go 12 nó de bhun na nAirteagal sin, faoi seach, nó nach bhfuil na ceanglais sin a leagtar amach in Airteagal 15(5) agus (6) agus Airteagal 18(3), faoi seach, á gcomhlíonadh ag an monaróir nó ag an allmhaireoir, ní chuirfidh an dáileoir an phacáistíocht ar an margadh go dtí go dtabharfar an phacáistíocht sin chun comhréireachta nó go dtí go mbeidh na ceanglais á gcomhlíonadh ag an monaróir nó ag an allmhaireoir.

Áiritheoidh dáileoirí, fad atá an phacáistíocht, bíodh sí folamh nó le táirge nó ná bíodh, faoina gcúram, nach gcuirfidh dálaí stórála ná iompair as dá comhréireacht leis na ceanglais a leagtar amach Airteagail 5 go 12 nó de bhun na n-airteagal sin.

4.   Maidir le haon fhaisnéis a nochtfaidh an monaróir ní úsáidfidh an dáileoir í ach chun a fhíorú go bhfuil na ceanglais is infheidhme a leagtar amach in Airteagail 5 go 12 nó de bhun na n-airteagal sin á gcomhlíonadh. Go háirithe, toirmiscfear ar dháileoirí an fhaisnéis sin a mhí-úsáid chun críoch tráchtála.

5.   Áiritheoidh dáileoirí, a mheasann nó a bhfuil údar acu chun a chreidiúint nach bhfuil pacáistíocht atá curtha ar fáil ar an margadh acu leis an táirge pacáistithe i gcomhréir leis na ceanglais is infheidhme a leagtar síos in Airteagail 5 go 12 nó de bhun na n-airteagal sin, go ndéanfar na bearta ceartaitheacha is gá chun an phacáistíocht sin a thabhairt chun comhréireachta, a tharraingt siar nó a aisghairm, de réir mar is iomchuí.

Cuirfidh dáileoirí údaráis um fhaireachas margaidh na mBallstát inar chuir siad an phacáistíocht ar fáil ar an eolas láithreach faoin neamhchomhréireacht amhrasta agus faoi na bearta ceartaitheacha a rinneadh.

6.   Soláthróidh dáileoirí, ar iarraidh réasúnaithe ó údarás náisiúnta, an fhaisnéis agus an doiciméadacht uile a bhfuil rochtain acu orthu agus atá ábhartha chun comhréireacht na pacáistíochta leis na ceanglais is infheidhme a leagtar síos in Airteagail 5 go 12 nó de bhun na n-airteagal sin a léiriú i dteanga amháin nó níos mó is féidir leis an údarás sin a thuiscint go héasca. Soláthrófar an fhaisnéis agus an doiciméadacht sin i bhfoirm leictreonach agus, arna iarraidh sin, i bhfoirm pháipéir.

Rachaidh na dáileoirí i gcomhar leis an údarás náisiúnta maidir le haon ghníomhaíocht a rinneadh chun aon chás maidir le neamhchomhlíonadh na gceanglas a leagtar síos in Airteagail 5 go 12 nó de bhun na nAirteagal sin a réiteach.