Artikolu 19 Obbligi tad-distributuri

1.   Meta jqiegħdu għad-dispożizzjoni imballaġġ fis-suq, id-distributuri għandhom jaġixxu bl-attenzjoni meħtieġa fir-rigward tar-rekwiżiti ta' dan ir-Regolament.

2.   Qabel ma jqiegħdu għad-dispożizzjoni l-imballaġġ fis-suq, id-distributuri għandhom jivverifikaw li:

3.   Meta distributur, qabel ma jqiegħed għad-dispożizzjoni l-imballaġġ fis-suq, iqis jew ikollu raġuni biex jemmen li l-imballaġġ ma jkunx konformi mar-rekwiżiti stabbiliti fi jew skont l-Artikoli 5 sa 12 jew li l-manifattur jew l-importatur ma jkunx qiegħed jikkonforma mar-rekwiżiti stabbiliti fl-Artikolu 15(5) u (6) u fl-Artikolu 18(3), rispettivament, id-distributur ma għandux iqiegħed għad-dispożizzjoni l-imballaġġ fis-suq sakemm dan ma jkunx sar konformi jew sakemm il-manifattur jew l-importatur ma jikkonformax.

Id-distributuri għandhom jiżguraw li, filwaqt li imballaġġ, kemm vojt jew bi prodott, ikun taħt ir-responsabbiltà tagħhom, il-kundizzjonijiet tal-ħżin jew tat-trasport tiegħu ma jippreġudikawx il-konformità tiegħu mar-rekwiżiti stabbiliti fi jew skont l-Artikoli 5 sa 12.

4.   L-informazzjoni żvelata mill-produttur ma għandhiex tintuża mid-distributur għal kwalunkwe skop ieħor ħlief biex jivverifika l-konformità mar-rekwiżiti applikkabli stabbiliti fi jew skont l-Artikolu 5 sa 12. B’mod partikolari, l-użu ħażin ta' tali informazzjoni mid-distributuri għal skopijiet kummerċjali għandu jkun ipprojbit.

5.   Id-distributuri li jqisu jew li jkollhom raġuni biex jemmnu li l-imballaġġ li huma jkunu qiegħdu għad-dispożizzjoni fis-suq mal-prodott fl-imballaġġ ma jkunx konformi mar-rekwiżiti applikabbli stabbiliti fi jew skont l-Artikoli 5 sa 12, għandhom jiżguraw li jittieħdu l-miżuri korrettivi meħtieġa biex jagħmlu dak l-imballaġġ konformi, jirtirawh jew isejħuh lura, kif xieraq.

Id-distributuri għandhom jinformaw minnufih lill-awtoritajiet tas-sorveljanza tas-suq bl-Istati Membri li fihom huma jkunu qiegħdu għad-dispożizzjoni l-imballaġġ, dwar in-nuqqas ta' konformità suspettat u dwar il-miżuri korrettivi meħuda.

6.   Id-distributuri għandhom, fuq talba motivata minn awtorità nazzjonali, jipprovdu lil dik l-awtorità bl-informazzjoni u bid-dokumentazzjoni kollha li jkollhom aċċess għalihom u li huma rilevanti biex tintwera l-konformità tal-imballaġġ mar-rekwiżiti applikabbli stabbiliti fi jew skont l-Artikoli 5 sa 12 b'lingwa waħda jew aktar li jistgħu jinftiehmu faċilment minn dik l-awtorità. Dik l-informazzjoni u d-dokumentazzjoni għandhom jiġu pprovduti f'forma elettronika u, fuq talba, f'forma stampata.

Id-distributuri għandhom jikkooperaw mal-awtorità nazzjonali dwar kwalunkwe azzjoni meħuda biex jiġi rrimedjat kwalunkwe każ ta' nuqqas ta' konformità mar-rekwiżiti stabbiliti fi jew skont l-Artikoli 5 sa 12.