Airteagal 27 Oibleagáid a bhaineann le córais athúsáide

1.   Beidh oibreoirí eacnamaíocha a bhaineann úsáid as pacáistíocht in-athúsáidte rannpháirteach i gceann amháin nó níos mó de na córais athúsáide agus áiritheoidh siad go mbeidh na córais athúsáide inar féidir an phacáistíocht in-athúsáidte a athúsáid i gcomhréir leis na ceanglais a leagtar síos i gCuid A d’Iarscríbhinn VI.

2.   Oibreoirí eacnamaíocha a bhaineann úsáid as pacáistíocht in-athúsáidte, áiritheoidh siad go ndéanfar athriochtú ar an bpacáistíocht sin i gcomhréir le Cuid B d’Iarscríbhinn VI sula gcuirtear í ar fáil arís d’úsáideoirí deiridh.

3.   Féadfaidh oibreoirí eacnamaíocha a bhaineann úsáid as pacáistíocht in-athúsáidte tríú páirtí a cheapadh le bheith freagrach as córas athúsáide frithpháirtithe amháin nó níos mó.

I gcás ina gceapfar oibreoirí eacnamaíocha tríú páirtí mar a thagraítear don mhéid sin sa chéad fhomhír, is é an tríú páirtí sin, agus é ag gníomhú thar cheann na n-oibreoirí sin, a chomhlíonfaidh na hoibleagáidí a leagtar amach san Airteagal seo.

4.   Oibreoirí eacnamaíocha a bhaineann úsáid as pacáistíocht in-athúsáidte i gcórais lúbiata i gcomhréir leis na ceanglais in Iarscríbhinn VI, beidh sé de cheangal orthu an phacáistíocht a thabhairt ar ais go dtí pointe bailiúcháin amháin nó níos mó a shainaithníonn na rannpháirtithe sa chóras agus a fhormheasann oibreoir an chórais.