Airteagal 39 Dearbhú comhréireachta an Aontais Eorpaigh

1.   Luafar sa dearbhú comhréireachta AE gur léiríodh gur comhlíonadh na ceanglais a leagtar síos in Airteagail 5 go 12 nó de bhun na nAirteagal sin.

2.   Maidir leis an dearbhú comhréireachta AE, beidh an struchtúr modúil ann a leagtar amach in Iarscríbhinn VIII, agus beidh na heilimintí arna sonrú sa mhodúl a leagtar amach in Iarscríbhinn VII ann agus déanfar é a nuashonrú go leanúnach. Dréachtófar é, nó aistreofar é, i dteanga amháin nó níos mó a éilíonn an Ballstát ina ndéantar an phacáistíocht a chur ar an margadh nó a chur ar fáil ar an margadh.

3.   I gcás ina mbeidh pacáistíocht nó an táirge pacáistithe faoi réir breis agus gníomh amháin de chuid an Aontais lena n-éilítear an dearbhú comhréireachta AE, tarraingeofar dearbhú comhréireachta AE aonair suas, i gcás inarb iomchuí, i leith gach gnímh mar sin de chuid an Aontais. Luafar sa dearbhú sin na gníomhartha de chuid an Aontais lena mbaineann agus a dtagairtí foilseacháin. Féadfaidh sainchomhad ina mbeidh dearbhuithe comhréireachta AE ábhartha aonair éagsúla a bheith i gceist leis an dearbhú.

4.   Tríd an dearbhú comhréireachta AE a tharraingt suas, gabhann an monaróir freagracht air féin go gcomhlíonfaidh an phacáistíocht na ceanglais a leagtar síos sa Rialachán seo.

5.   Féachfaidh na húdaráis inniúla leis an gcruinneas de chuid de na dearbhuithe comhréireachta ar a laghad a rialú gach bliain, arna measúnú ar chur chuige rioscabhunaithe agus déanfaidh siad na bearta is gá chun aghaidh a thabhairt ar an neamhchomhlíonadh, amhail táirgí neamhchomhlíontacha a tharraingt siar ón margadh.