Airteagal 10 Ceart duine nádúrtha diúltú d’úsáid phríomhúil

1.   Féadfar a fhoráil le dlíthe na mBallstát go mbeidh sé de cheart ag daoine nádúrtha diúltú d’úsáid phríomhúil rochtain ar a sonraí leictreonacha pearsanta sláinte atá cláraithe i gcóras RTS trí na seirbhísí rochtana sonraí leictreonacha sláinte dá dtagraítear in Airteagail 4 agus 12. Sna cásanna sin, déanfaidh na Ballstáit a áirithiú go mbeidh feidhmiú an chirt sin inchúlaithe.

2.   Má dhéanann Ballstát foráil do cheart dá dtagraítear i mír 1 den Airteagal seo, bunóidh sé na rialacha agus coimircí sonracha maidir leis an sásra diúltaithe sin. Go háirithe, féadfaidh na Ballstáit foráil a dhéanamh maidir le soláthraí cúraim sláinte nó gairmí sláinte a bheith in ann rochtain a fháil ar na sonraí leictreonacha pearsanta sláinte i gcásanna ina bhfuil gá le próiseáil chun leasanna ríthábhachtacha an ábhair sonraí nó duine nádúrtha eile dá dtagraítear in Airteagal 9(2), pointe (c), de Rialachán (AE) 2016/679 a chosaint, fiú má d’fheidhmigh an t-othar an ceart chun diúltú d’úsáid phríomhúil.