+Airteagal 3 Critéir agus cinneadh sainaitheantais
---+Airteagal 3 1
---+Airteagal 3 2
---+Airteagal 3 3
---+Airteagal 3 4
---+Airteagal 3 5

Airteagal 3 Critéir agus cinneadh sainaitheantais

1. Forbhreathnú

,
Airteagal 3 1

1.   Sainaithneofar córas íocaíochta mar SIPS más rud é:

(a)

go bhfuil sé incháilithe mar chóras é ar féidir le Ballstát a bhfuil an euro mar airgeadra aige fógra a thabhairt ina leith gur córas é de bhun Threoir 98/26/CE nó go bhfuil a oibreoir bunaithe sa limistéar euro, lena n-áirítear é a bheith bhunaithe trí bhíthin brainse, trína n-oibrítear an córas; agus

(b)

go dtarlaíonn dhá ní ar a laghad de na nithe seo a leanas in imeacht bliain féilire:

(i)

is mó ná EURO 10 mbilliún meánluach laethúil iomlán na n-íocaíochtaí arna n-ainmniú in euro a phróiseáiltear;

(ii)

is ionann na híocaíochtaí iomlána arna n-ainmniú in euro agus ceann amháin ar a laghad de na nithe seo a leanas:

—

15 % de mhéid iomlán na n-íocaíochtaí arna n-ainmniú in euro san Aontas,

—

5 % de mhéid iomlán na n-íocaíochtaí trasteorann arna n-ainmniú in euro san Aontas,

—

sciar den mhargadh atá cothrom le 75 % de mhéid iomlán na n-íocaíochtaí arna n-ainmniú in euro ar leibhéal Ballstáit a bhfuil an euro mar airgeadra aige;

(iii)

baineann a ghníomhaíocht trasteorann (i.e. rannpháirtithe atá bunaithe i dtír seachas tír an oibreora SIPS agus/nó ó naisc trasteorann le córais íocaíochta eile) le cúig thír nó os a chionn sin agus gintear leis an ngníomhaíocht trasteorann sin 33 % ar a laghad de mhéid iomlán na n-íocaíochtaí arna n-ainmniú in euro a phróiseálann an SIPS sin;

(iv)

úsáidtear é chun BMAnna eile a shocrú.

Déanfar cleachtadh sainaitheantais ar bhonn bliantúil.
Airteagal 3 2

2.   D’ainneoin mhír 1, féadfaidh an Chomhairle Rialaithe, agus breithiúnas fónta réasúnaithe á fheidhmiú aici, cinneadh a dhéanamh freisin faoi mhír 3 go sainaithneofar córas íocaíochta mar SIPS i gceachtar de na cásanna seo a leanas:

(a)

i gcás ina mbeadh cinneadh den sórt sin iomchuí, agus cineál, méid agus castacht an chórais íocaíochta á gcur san áireamh; cineál agus tábhacht a rannpháirtithe; inionadaitheacht an chórais íocaíochta agus an fháil atá ar roghanna malartacha air; agus an caidreamh, na hidirthuilleamaíochtaí agus na hidirghníomhaíochtaí eile atá ag an gcóras leis an gcóras airgeadais i gcoitinne;

(b)

i gcás nach gcomhlíonann córas íocaíochta na critéir a leagtar amach i mír 1 ar an gcúis go dtarlaíonn na critéir arna leagan amach i bpointe (b) de mhír 1 in imeacht tréimhse níos giorra ná bliain féilire agus go bhfuil sé inchreidte go leanfaidh an córas íocaíochta de na critéir a chomhlíonadh nuair a dhéanfar measúnú air sa chéad athbhreithniú fíorúcháin eile, agus ar an gcúis sin amháin.
Airteagal 3 3

3.   Glacfaidh an Chomhairle Rialaithe le cinneadh réasúnaithe lena sainaithnítear na córais íocaíochta atá faoi réir an Rialacháin seo, mar aon leis na hoibreoirí agus na húdaráis inniúla faoi seach a ghabhann leo. Coimeádfar an liosta sin ar shuíomh gréasáin BCE agus nuashonrófar é tar éis gach aon athrú.
Airteagal 3 4

4.   Fanfaidh cinneadh arna ghlacadh faoi mhír 3 i bhfeidhm go dtí go n-aisghairfear é. Déanfar athbhreithnithe fíorúcháin ar chórais íocaíochta a sainaithníodh mar SIPS ar bhonn bliantúil chun a fhíorú go leanann na córais íocaíochta de bheith ag comhlíonadh na gcritéar chun iad a shainaithint mar SIPS. Aisghairfear cinneadh a glacadh de bhun mhír 3 más rud é:

(a)

in dhá athbhreithniú fíorúcháin chomhleanúnacha, go bhfíoraítear nár chomhlíon SIPS na critéir a leagtar amach i mír 1 agus/nó i mír 2; nó

(b)

in athbhreithniú fíorúcháin amháin, go bhfíoraítear nár chomhlíon SIPS na critéir a leagtar amach i mír 1 agus/nó i mír 2 agus go léiríonn an t-oibreoir SIPS, chun sástacht na Comhairle Rialaithe, nach dócha go gcomhlíonfaidh an SIPS na critéir sin roimh an gcéad athbhreithniú fíorúcháin eile.
Airteagal 3 5

5.   Beidh sé de cheart ag oibreoir an chórais íocaíochta a iarraidh ar an gComhairle Rialaithe athbhreithniú a dhéanamh ar an gcinneadh lena sainaithnítear an córas íocaíochta lena mbaineann mar SIPS laistigh de 30 lá ón tráth a bhfaigheann sé an cinneadh sin. Áireofar gach faisnéis tacaíochta san iarraidh sin agus seolfar í i scríbhinn chuig an gComhairle Rialaithe. Tabharfaidh an Chomhairle Rialaithe cinneadh réasúnaithe mar fhreagairt ar an iarraidh sin agus tabharfaidh sí fógra i scríbhinn don oibreoir córais íocaíochta faoi gcinneadh sin. Leis an bhfógra i scríbhinn cuirfear in iúl don oibreoir sin go bhfuil sé de cheart aige athbhreithniú breithiúnach a dhéanamh i gcomhréir leis an gConradh. Mura mbeidh cinneadh déanta ag an gComhairle Rialaithe laistigh de dhá mhí ón tráth a ndéantar an iarraidh, measfar gur diúltaíodh don athbhreithniú.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 14.07.2025 00:00:00 -Doknr: CELEX:32025R1355
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.