6. Bunóidh agus maoirseoidh an Bord creat bainistithe riosca doiciméadaithe:
|
(a)
|
a mbeidh ar áireamh ann beartas an oibreora SIPS maidir le lamháltas riosca agus inghlacthacht riosca;
|
|
(b)
|
lena sannfar freagrachtaí agus cuntasacht as cinntí riosca;
|
|
(c)
|
lena ndéileálfar le cinnteoireacht i ngéarchéimeanna agus in éigeandálaí;
|
|
(d)
|
lena ndéileálfar le feidhmeanna rialúcháin inmheánaigh.
|
Bunóidh an Bord coiste riosca chun cabhrú leis i dtaobh chomhlíonadh na bhfreagrachtaí atá air i dtaca le riosca. Cuirfidh an coiste riosca comhairle ar an mBord maidir le bainistiú riosca an SIPS.
Áiritheoidh an Bord go mbeidh trí líne chosanta shoiléire éifeachtacha ann (oibríochtaí, bainistiú riosca agus iniúchadh inmheánach), atá ar leithligh óna chéile agus a bhfuil údarás leordhóthanach, neamhspleáchas leordhóthanach agus acmhainní leordhóthanacha acu agus rochtain leordhóthanach acu ar an mBord.