Airteagal 5 Oibleagáidí maidir le millíní plaisteacha a láimhseáil

1.   Déanfaidh oibreoirí eacnamaíocha na gníomhaíochtaí seo a leanas:

Coimeádfaidh oibreoirí eacnamaíocha an plean bainistithe riosca cothrom le dáta, agus go háirithe na laigí á gcur san áireamh ar laigí iad a shainaithnítear trína dtaithí ar mhillíní plaisteacha a láimhseáil, agus cuirfidh siad an plean sin ar fáil d’údaráis inniúla ach é a éileamh.

2.   Oibreoirí eacnamaíocha ar fiontair bheaga, mheánmhéide nó mhóra iad a oibríonn suiteálacha inar láimhseáladh cainníochtaí de mhillíní plaisteacha faoi bhun na tairsí 1 500 tona sa bhliain féilire roimhe nó ar micrifhiontair iad, tabharfaidh siad fógra faoi uasdátú ar an bplean bainistithe riosca i gcás gach suiteála mar aon le hathnuachan ar an bhféindearbhú comhréireachta d’údarás inniúil an Bhallstáit ina bhfuil an tsuiteáil lonnaithe gach 5 bliana ón bhfógra deireanach.

3.   Féadfaidh údaráis inniúla é a chur de cheangal ar oibreoirí eacnamaíocha na gníomhaíochtaí seo a leanas a dhéanamh:

4.   Áiritheoidh iompróirí de chuid an Aontais agus iompróirí nach iompróirí de chuid an Aontais iad go gcuirfear na gníomhaíochtaí a leagtar amach in Iarscríbhinn III chun feidhme.

5.   Nuair a chuireann oibreoirí eacnamaíocha na gníomhaíochtaí chun feidhme a leagtar amach sa phlean bainistithe riosca agus nuair a chuireann na hiompróirí de chuid an Aontais agus na hiompróirí nach iompróirí de chuid an Aontais iad na gníomhaíochtaí a leagtar síos in Iarscríbhinn III chun feidhme, déanfaidh siad amhlaidhsan ord tosaíochta seo a leanas:

6.   Beidh na hoibleagáidí seo a leanas ar oibreoirí eacnamaíocha, ar iompróirí de chuid an Aontais agus ar iompróirí nach iompróirí de chuid an Aontais iad:

6 mhí tar éis fhoilsiú an chaighdeáin chomhchuibhithe ábhartha in Iris Oifigiúil an Aontais Eorpaigh nó ó dháta chur i bhfeidhm an ghnímh cur chun feidhme dá dtagraítear in Airteagal 18(3), déanfaidh oibreoirí eacnamaíocha, iompróirí de chuid an Aontais agus iompróirí nach iompróirí de chuid an Aontais iad meastachán faoi chainníochtaí an chaillteanais dá dtagraítear i bpointe (b), an chéad fhomhír den mhír seo i gcomhréir leis an modheolaíocht chaighdeánaithe dá dtagraítear in Airteagal 18.

Soláthróidh ionadaithe údaraithe fianaise go bhfuil an oibleagáid a leagtar síos i bpointe (a) den chéad fhomhír á comhlíonadh ag iompróirí nach iompróirí de chuid an Aontais iad. Coinneoidh na hoibreoirí eacnamaíocha, iompróirí de chuid an Aontais agus na hionadaithe údaraithe taifid dá dtagraítear i bpointí (b) den chéad fhomhír ar feadh tréimhse 5 bliana agus cuirfidh siad ar fáil d’údaráis inniúla iad arna éileamh sin dóibh agus, i gcás inarb infheidhme, do dheimhnitheoirí chun críocha Airteagal 6.

7.   I gcás ina dteipeann ar ghníomhaíocht a dhéantar chun doirteadh agus caillteanas a chosc, a imshrianadh agus a ghlanadh, déanfaidh oibreoirí eacnamaíocha, iompróirí de chuid an Aontais agus iompróirí nach iompróirí de chuid an Aontais iad bearta ceartaitheacha gan mhoill.

8.   Oibreoirí eacnamaíocha ar fiontair mheánmhéide nó mhóra iad a oibríonn suiteálacha inar láimhseáladh sa bhliain féilire roimhe sin cainníochtaí de mhillíní plaisteacha atá cothrom leis an tairseach 1 500 tona nó os a cionn, déanfaidh siad measúnú inmheánach gach bliain, le haghaidh gach suiteála, ar a mhéid atá ceanglais an phlean bainistithe riosca a leagtar síos in Iarscríbhinn I nó na coinníollacha faoinar deonaíodh an cead dá dtagraítear in Airteagal 7(1), pointe (a), á gcomhlíonadh ag an tsuiteáil.

Coinneoidh na hoibreoirí eacnamaíocha dá dtagraítear sa chéad fhomhír den mhír seo taifid ar na measúnuithe inmheánacha ar feadh tréimhse 5 bliana agus cuirfidh siad ar fáil d’údaráis inniúla iad arna éileamh sin dóibh, agus do dheimhnitheoirí chun críocha Airteagal 6.