6. Beidh na hoibleagáidí seo a leanas ar oibreoirí eacnamaíocha, ar iompróirí de chuid an Aontais agus ar iompróirí nach iompróirí de chuid an Aontais iad:
|
(a)
|
a áirithiú go gcuirfear oiliúint ar a bhfoireann de réir a ról agus a bhfreagrachtaí sonracha agus go mbeidh siad ar an eolas faoin trealamh ábhartha agus in ann é a úsáid agus na nósanna imeachta a leagtar amach chun a áirithiú go gcomhlíonfar an Rialachán seo a fhorghníomhú; agus
|
|
(b)
|
taifid a choimeád ar mheastacháin a dhéantar go bliantúil faoi chainníochtaí an chaillteanais agus faoi chainníochtaí iomlána na millíní plaisteacha a láimhseáiltear.
|
6 mhí tar éis fhoilsiú an chaighdeáin chomhchuibhithe ábhartha in Iris Oifigiúil an Aontais Eorpaigh nó ó dháta chur i bhfeidhm an ghnímh cur chun feidhme dá dtagraítear in Airteagal 18(3), déanfaidh oibreoirí eacnamaíocha, iompróirí de chuid an Aontais agus iompróirí nach iompróirí de chuid an Aontais iad meastachán faoi chainníochtaí an chaillteanais dá dtagraítear i bpointe (b), an chéad fhomhír den mhír seo i gcomhréir leis an modheolaíocht chaighdeánaithe dá dtagraítear in Airteagal 18.
Soláthróidh ionadaithe údaraithe fianaise go bhfuil an oibleagáid a leagtar síos i bpointe (a) den chéad fhomhír á comhlíonadh ag iompróirí nach iompróirí de chuid an Aontais iad. Coinneoidh na hoibreoirí eacnamaíocha, iompróirí de chuid an Aontais agus na hionadaithe údaraithe taifid dá dtagraítear i bpointí (b) den chéad fhomhír ar feadh tréimhse 5 bliana agus cuirfidh siad ar fáil d’údaráis inniúla iad arna éileamh sin dóibh agus, i gcás inarb infheidhme, do dheimhnitheoirí chun críocha Airteagal 6.