Airteagal 25 Meastóireacht agus athbhreithniú

(a)

an taithí a fuarthas ón Rialachán seo a chur chun feidhme;

(b)

an fhaisnéis arna tuairisciú ag na Ballstáit de bhun Airteagal 13(2);

(c)

an fhaisnéis a chuireann oibreoirí eacnamaíocha ar fáil maidir le cainníochtaí measta bliantúla de chaillteanas millíní plaisteacha, mar a thuairiscítear de bhun Iarscríbhinn XVII a ghabhann le Rialachán (CE) Uimh. 1907/2006;

(d)

rannchuidiú an Rialacháin seo leis an sprioc fhoriomlán maidir le laghdú 30 % a dhéanamh ar thruailliú micreaphlaisteach faoi 2030;

(e)

measúnú ar cé acu is gá nó nach gá tuilleadh gníomhaíochtaí a dhéanamh maidir le foinsí breise scaoilte neamhbheartaithe micreaphlaisteach d’fhonn cuspóirí an Aontais a bhaint amach maidir le truailliú micreaphlaisteach a laghdú;

(f)

na sonraí agus na torthaí eolaíocha is déanaí;

(g)

measúnú ar na sonraí agus na torthaí eolaíocha is déanaí maidir le hinrianaitheacht cheimiceach millíní plaisteacha agus ar a ábhartha atá sé síniú ceimiceach uathúil a thabhairt isteach;

(h)

idirghníomhú an Rialacháin seo le tionscnaimh idirnáisiúnta ábhartha lena dtugtar aghaidh ar chaillteanas millíní plaisteacha, go háirithe maidir le muiriompar;

(i)

measúnú ar an tionchar a bheadh ag oibreoirí eacnamaíocha a láimhseálann millíní plaisteacha faoi bhun tairseacha áirithe ar chur chun feidhme an Rialacháin seo a eisiamh ó oibleagáidí áirithe faoin Rialachán seo, agus ar a ábhartha atá sé tairseach d’iompróirí a bhunú;

(j)

measúnú ar an éifeacht a bhí ag na díolúintí a deonaíodh de bhun Airteagal 7 chun an cuspóir a bhaint amach maidir le doirteadh agus caillteanas a chosc;

(k)

measúnú ar a mhéid a chomhlíonann iompróirí na hoibleagáidí faoin Rialachán seo, go háirithe iompróirí nach iompróirí de chuid an Aontais iad;

(l)

measúnú ar éifeacht choibhneasta na modhanna éagsúla chun faisnéis a sholáthar dá dtagraítear in Airteagal 10.