Airteagal 7 Tástáil ainmhithe

1.   Bunófar comhlíontacht glantach agus dromchlaghníomhaithe leis an Rialachán seo trí úsáid a bhaint as modhanna tástála gan ainmhithe arna mbailíochtú ar leibhéal an Aontais nó ar leibhéal idirnáisiúnta.

2.   Gan dochar d’Airteagal 1(1), toirmiscfear glantaigh agus dromchlaghníomhaithe a chur ar an margadh i gcás ina ndearnadh tástáil ar ainmhithe leis an bhfoirmliú deiridh nó leis na comhábhair nó na teaglamaí comhábhar d’fhonn ceanglais an Rialacháin seo a chomhlíonadh.

3.   Beidh feidhm ag míreanna 1 agus 2 gan dochar do dhlí ábhartha an Aontais, agus ní chuirfidh siad cosc ar úsáid sonraí a fuarthas roimh an 22 Márta 2026.

4.   In imthosca eisceachtúla, i gcás ina dtagann ábhair imní chun cinn maidir le sábháilteacht comhábhair i nglantach nó i ndromchlaghníomhaí, féadfaidh an Coimisiún cinneadh cur chun feidhme a ghlacadh lena ndeonófar maolú ar mhíreanna 1 agus 2, ar a thionscnamh féin nó ar bhonn iarraidh réasúnaithe ó oibreoir eacnamaíoch nó ó Bhallstát.

5.   I gcás ina ngníomhaíonn an Coimisiún ar bhonn iarraidh réasúnaithe ó oibreoir eacnamaíoch nó ó Bhallstát, dá dtagraítear i mír 4, beidh meastóireacht san iarraidh sin ar an staid agus léireofar inti na bearta is gá. Ar an mbonn sin, féadfaidh an Coimisiún dul i gcomhairle leis an Lárionad Eorpach um Bailíochtú Modhanna Malartacha.

6.   Le cinneadh lena ndeonaítear maolú, dá dtagraítear i mír 4, leagfar síos na coinníollacha a bhaineann leis an maolú seo i dtéarmaí cuspóirí sonracha, ré agus tuairisciú na dtorthaí. Ní thabharfar maolú ach amháin sna cásanna seo a leanas:

Díreoidh an Coimisiún a chinneadh lena ndeonaítear maolú chuig na Ballstáit uile agus déanfaidh sé é a chur in iúl dóibh agus do na hoibreoirí eacnamaíocha ábhartha láithreach.