IARSCRÍBHINN IV FAISNÉIS DON PHOBAL

(1)

an soláthróir uisce ábhartha, an limistéar ina ndearnadh an soláthar agus líon na ndaoine atá i gceist leis an soláthar, agus an modh táirgthe uisce a shainaithint, lena n-áirítear faisnéis ghinearálta maidir leis na cineálacha cóireála agus dífhabhtaithe uisce a cuireadh i bhfeidhm; féadfaidh na Ballstáit maolú ón gceanglas sin i gcomhréir le hAirteagal 13(1) de Threoir 2007/2/CE;

(2)

na torthaí is déanaí ar fhaireachán ar na paraiméadair a liostaítear i gCodanna A, B agus C d’Iarscríbhinn I, lena n-áirítear minicíocht faireacháin mar aon leis an luach paraiméadrach a shocraítear i gcomhréir le hAirteagal 5; ní bheidh torthaí an fhaireacháin níos sine ná 1 bhliain amháin, ach amháin i gcás ina gceadaítear a mhalairt leis an minicíocht faireacháin a shocraítear leis an Treoir seo;

(3)

faisnéis faoi na paraiméadair seo a leanas nach bhfuil liostaithe i gCuid C d’Iarscríbhinn I agus luachanna gaolmhara:

(4)

i gcás baol a d’fhéadfadh a bheith ann do shláinte an duine arna chinneadh ag údaráis inniúla nó comhlachtaí ábhartha eile tar éis sárú ar na luachanna paraiméadracha a shocraítear i gcomhréir le hAirteagal 5, faisnéis faoin mbaol a d’fhéadfadh a bheith ann do shláinte an duine agus an chomhairle sláinte agus tomhaltais a bhaineann léi nó hipearnasc a thugann rochtain ar an bhfaisnéis sin;

(5)

faisnéis ábhartha faoin measúnú riosca ar an gcóras soláthair;

(6)

comhairle do thomhaltóirí, lena n-áirítear comhairle faoi conas an tomhaltas uisce a laghdú, i gcás inarb iomchuí, conas uisce a úsáid ar bhealach freagrach de réir dálaí áitiúla agus conas rioscaí sláinte de dheasca bodharuisce a sheachaint;

(7)

i gcás soláthróirí uisce a sholáthraíonn ar a laghad 10 000 m3 in aghaidh an lae nó a fhreastalaíonn ar 50 000 duine ar a laghad, faisnéis bhliantúil faoin méid seo a leanas:

(8)

ar iarraidh a bhfuil údar maith léi a fháil, tabharfar rochtain do thomhaltóirí ar shonraí stairiúla le haghaidh faisnéis faoi phointí (2) agus (3), ag dul siar suas le 10 mbliana, má tá na sonraí sin ar fáil, agus tráth nach luaithe ná an 13 Eanáir 2023.