IARSCRÍBHINN II An fhaisnéis íosta atá le háireamh sa deimhniú comhlíontachta dá dtagraítear in Airteagal 9

(a)

ainm agus cineál na gníomhaíochta, lena n-áirítear cleachtais agus próisis, agus ainm agus sonraí teagmhála an oibreora nó an ghrúpa oibreoirí;

(b)

suíomh na gníomhaíochta, lena n-áirítear suíomh sainráite geografach theorainneacha na gníomhaíochta, agus na ceanglais scála mapála 1:5 000 atá ar an mBallstát á n-urramú;

(c)

fad na tréimhse gníomhaíochta, lena n-áirítear an dáta tosaigh agus an dáta deiridh;

(d)

ainm na scéime deimhniúcháin;

(e)

ainm, seoladh agus lógó an chomhlachta deimhniúcháin;

(f)

uimhir uathúil nó cód uathúil an deimhnithe comhlíontachta;

(g)

áit, dáta eisiúna agus tréimhse bhailíochta an deimhnithe comhlíontachta;

(h)

tagairt don mhodheolaíocht deimhniúcháin is infheidhme dá dtagraítear in Airteagal 8;

(i)

an ghlantairbhe buanaistrithe carbóin dá dtagraítear in Airteagal 4(1), nó an ghlantairbhe aistrithe carbóin sealadach dá dtagraítear in Airteagal 4(2), pointe (a), nó an ghlantairbhe laghdaithe astaíochtaí ithreach dá dtagraítear in Airteagal 4(2), pointe (b), nó an ghlantairbhe aistrithe carbóin sealadach dá dtagraítear in Airteagal 4(5);

(j)

aistrithe carbóin faoin mbonnlíne dá dtagraítear in Airteagal 4(1), pointe (a), nó in Airteagal 4(2), pointe (a)(i), nó in Airteagal 4(5), pointe (a); nó astaíochtaí ithreach faoin mbonnlíne dá dtagraítear in Airteagal 4(2), pointí (b)(i) agus (iii);

(k)

iomlán na n-aistrithe carbóin dá dtagraítear in Airteagal 4(1), pointe (b), in Airteagal 4(2), pointe (a)(ii), nó in Airteagal 4(5), pointe (b); nó iomlán na n-astaíochtaí ithreach dá dtagraítear in Airteagal 4(2), pointí (b)(ii) agus (iv);

(l)

an méadú ar astaíochtaí GCGbainteach díreacha agus indíreacha dá dtagraítear in Airteagal 4(1), pointe (c), in Airteagal 4(2), pointe (a)(iii), in Airteagal 4(2), pointe (b)(v), agus in Airteagal 4(5), pointe (c);

(m)

miondealú de réir gás, foinsí, linnte carbóin agus stoc maidir leis an bhfaisnéis dá dtagraítear i bpointí (j), (k) agus (l);

(n)

fad thréimhse faireacháin na gníomhaíochta;

(o)

méid na bithmhaise a úsáideadh agus cruthúnas go gcomhlíontar léi na ceanglais íosta inbhuanaitheachta dá dtagraítear in Airteagal 7(3);

(p)

aon chomhthairbhe inbhuanaitheachta dá dtagraítear in Airteagal 7;

(q)

maidir le feirmeoireacht carbóin, comhthairbhí dá dtagraítear in Airteagal 7(2);

(r)

tagairt d’aon deimhniú idirnáisiúnta nó náisiúnta eile, lena n-áirítear uimhir uathúil nó cód uathúil an deimhnithe comhlíontachta;

(s)

cineál an tsásra dliteanais, ranníocaíocht na gníomhaíochta leis an sásra agus an duine nádúrtha nó dlítheanach atá faoi dhliteanas;

(t)

cainníocht agus bailíocht na n-aonad deimhnithe;

(u)

aon éiginnteachtaí a thagann chun cinn agus cainníochtú á dhéanamh ar aistrithe carbóin agus laghduithe astaíochtaí ithreach i gcomhréir le hAirteagal 4(12).