IARSCRÍBHINN VI PAS TÁIRGE DIGITEACH

(a)

trádainm, aitheantóir táirge uathúil an ghlantaigh nó an dromchlaghníomhaí úsáideora deiridh agus íomhá dhaite den phacáistíocht nó de lipéad mhúnla an ghlantaigh nó an dromchlaghníomhaí úsáideora deiridh a bheidh soiléir go leor chun é a shainaithint;

(b)

ainm, seoladh poist agus seoladh ríomhphoist agus uimhir theileafóin an mhonaróra agus, i gcás inarb infheidhme, an allmhaireora nó an ionadaí údaraithe, chomh maith le haitheantóir oibreora uathúil an mhonaróra;

(c)

an tagairt don soláthraí seirbhíse pas táirge digiteach a óstálann an chóip chúltaca den phas táirge digiteach:

(d)

sainaithint an ghlantaigh nó an dromchlaghníomhaí úsáideora deiridh lena gceadaítear inrianaitheacht;

(e)

léiriú gur faoi fhreagracht an mhonaróra amháin a eisítear an pas táirge digiteach;

(f)

i gcás inarb infheidhme, na cóid tráchtearra, mar a leagtar amach iad in Iarscríbhinn I a ghabhann le Rialachán (CEE) Uimh. 2658/87 faoina n-aicmítear an glantach nó an dromchlaghníomhaí úsáideora deiridh tráth a chruthaítear an pas táirge digiteach;

(g)

ráiteas gur léiríodh go gcomhlíonann an glantach nó an dromchlaghníomhaí úsáideora deiridh an Rialachán seo, agus, i gcás inarb ábhartha, tagairtí do dhlí eile de chuid an Aontais a chomhlíonann an glantach nó an dromchlaghníomhaí úsáideora deiridh;

(h)

liosta iomlán substaintí a chuirtear isteach d’aon ghnó sa ghlantach nó sa dromchlaghníomhaí, a shainaithnítear i gcomhréir le hAirteagal 18(3) de Rialachán (CE) Uimh. 1272/2008; liostófar leasaithigh tuliompar freisin más gá iad a chur ar an lipéad i gcomhréir le hAirteagal 18(3), pointe (b), de Rialachán (CE) Uimh. 1272/2008, Airteagal 58 de Rialachán (AE) Uimh. 528/2012 nó Cuid A, pointe 1(h)(iii), d’Iarscríbhinn V a ghabhann leis an Rialachán seo;

(i)

liosta na miocrorgánach uile a chuirtear isteach d’aon ghnó agus a thugann a n-aicmiú tacsanomaíoch (ainm nó cód an ghéinis, an speicis agus an tréithchineáil).