IARSCRÍBHINN I PLEAN BAINISTITHE RIOSCA LE HAGHAIDH SUITEÁLACHA

(a)

an plean láithreáin;

(b)

an líon tonaí millíní plaisteacha a láimhseáiltear in aghaidh na bliana;

(c)

na suíomhanna laistigh de theorainneacha na suiteála ina bhféadfadh doirteadh tarlú, agus suíomhanna ardriosca agus ísealriosca á sonrú;

(d)

na suíomhanna laistigh de theorainneacha na suiteála óna bhféadfadh caillteanas teacht agus na suíomhanna sna limistéir máguaird a bhféadfadh caillteanas difear a dhéanamh dóibh, agus suíomhanna ardriosca agus ísealriosca á sonrú sa dá chás;

(e)

na hoibríochtaí láimhseála ar lena linn a d’fhéadfadh doirteadh agus caillteanas millíní tarlú, agus oibríochtaí ardriosca agus ísealriosca á sonrú;

(f)

an meastachán bliantúil ar na cainníochtaí de dhoirteadh sna suíomhanna sainaitheanta agus ar chaillteanas ó na suíomhanna sin;

(g)

liosta de na gníomhaíochtaí ar lena linn a d’fhéadfadh doirteadh nó caillteanas millíní plaisteacha tarlú agus a bhféadfadh údarás a bheith ag an tsuiteáil rialú a fheidhmiú orthu, lena n-áirítear gníomhaíochtaí a bhaineann le saoráidí stórála de chuid soláthróirí, conraitheoirí agus fochonraitheoirí agus ag saoráidí stórála lasmuigh den láthair;

(h)

sainmhíniú ar ról sonrach amháin baill foirne atá freagrach as doirteadh agus caillteanas a thaifeadadh agus a imscrúdú agus bearta leantacha a dhéanamh ina dtaobh, lena n-áirítear iad a thuairisciú d’údaráis inniúla mar a leagtar síos in Airteagal 5(6) agus Airteagal 14(1);

(i)

tuairisc ar an bpacáistíocht agus an trealamh atá curtha in úsáid chun doirteadh agus caillteanas a chosc, a imshrianadh agus a ghlanadh; agus

(j)

tuairisc ar na nósanna imeachta atá curtha i bhfeidhm chun doirteadh agus caillteanas a chosc, a imshrianadh agus a ghlanadh.

(a)

maidir le cosc: i gcás suiteálacha ina ndéantar pacáistiú, pacáistíocht atá láidir chun na turraingí, na hualaigh agus na dálaí aimsire a bhíonn ann de ghnáth le linn iompair a sheasamh; beidh an t-ábhar a úsáidtear agus tógáil na pacáistíochta láidir go leor d’acmhainneacht na pacáistíochta agus don úsáid atá beartaithe di; beidh an phacáistíocht criathrúdhíonach nó cuirfear líneáil oiriúnach ar fáil inti, agus déanfar agus dúnfar go daingean í ionas nach gcaillfear aon ábhar a tharlaíonn de dheasca creathaidh nó fórsaí luasghéaraithe faoi ghnáthdhálaí iompair;

(b)

maidir le himshrianadh: ag suíomhanna doirte ardriosca, feistí gabhála (e.g. tráidirí doirte agus umair choinneála laistigh den talamh ar a bhfuil grátaí cruach) a leagtar síos chun a áirithiú gur féidir doirteadh a imshrianadh agus a ghlanadh go héasca, agus cumhdaigh draenach lena n-imshriantar millíní plaisteacha nó modhanna oiriúnacha eile chun córais draenála faoi thalamh a chosaint;

(c)

maidir le glanadh: ag suíomhanna doirte agus caillteanais, folúsghlantóirí ar féidir iad a úsáid istigh is amuigh, go leor uirlisí glantacháin (e.g. scuaba urláir, sluasaidíní agus scuaibíní, buicéid, téipeanna deisiúcháin) agus araidí diúscartha le haghaidh millíní plaisteacha arna mbailiú agus málaí folmha.

(a)

tríú páirtithe a bhfuil rochtain acu ar an tsuiteáil chun millíní plaisteacha a luchtú, a dhíluchtú nó a láimhseáil ar bhealach eile, a chur ar an eolas faoi na nósanna imeachta ábhartha chun doirteadh agus caillteanas a chosc, a imshrianadh agus a ghlanadh;

(b)

pacáistíocht millíní plaisteacha a láimhseáil ionas go gcuirfear cosc ar pholladh na pacáistíochta; ag suíomhanna doirte ardriosca, a áirithiú go ndéantar cigireachtaí rialta, glanadh agus cothabháil ar fheistí gabhála agus ar shaoráidí stórála chomh maith le pacáistíocht agus coimeádáin; má tá an phacáistíocht agus na coimeádáin ag sceitheadh nó ag criathrú, a áirithiú nach n-úsáidtear a thuilleadh iad;

(c)

srian a choinneáil ar dhoirteadh agus aon doirteadh a ghlanadh suas a luaithe is féidir, agus ag deireadh na hoibríochta ar a dhéanaí;

(d)

a áirithiú go bhfuil an taobh amuigh den fheithicil bhóthair, den vaigín iarnróid nó den soitheach uiscebhealaí intíre saor ó mhillíní plaisteacha ar fhágáil na suiteála dóibh, agus a áirithiú go bhfuil rampaí luchtaithe agus díluchtaithe feithiclí bóthair agus vaigíní iarnróid dúnta ar fhágáil na háite luchtaithe nó díluchtaithe dóibh.

(a)

maidir le cosc: le haghaidh suiteálacha ina n-úsáidtear pacáistíocht: pacáistíocht nach ndíghrádaítear i dtimpeallachtaí uisceacha; séalaí folúis ar phíobáin agus píbobair; clúdaigh chosanta ar fhorcardaitheoirí, ar threalamh hiodrálach, nó ar threalamh luchtaithe agus díluchtaithe eile chun tolladh pacáistíochta a chosc; trealamh chun pointí ceangail slána a chruthú agus bacainní tánaisteacha i bhfeidhm; córais luchtaithe arna ndearadh chun a áirithiú gur féidir línte aistrithe a fholmhú go hiomlán tar éis luchtú agus díluchtú; coimeádáin shéalaithe nó sadhlanna seachtracha chun millíní a stóráil; cosaint chun rólíonadh sadhlanna a chosc; córais iompair uathoibrithe le haghaidh millíní; trealamh eastósctha deannaigh millíní plaisteacha le scagairí deannaigh millíní plaisteacha iomchuí nó feistí gabhála; chun coimeádáin nó sadhlanna millíní plaisteacha a ghlanadh, úsáid a bhaint as scagairí nó feistí gabhála chun uisce sruthlaithe agus aerghlanadh a dhéanamh;

(b)

maidir le himshrianadh: feistí gabhála tánaisteacha a chuirtear idir limistéir ina láimhseáiltear millíní plaisteacha agus teorainn na suiteála, timpeall na suiteála agus ag pointí nasctha a n-iompraítear millíní plaisteacha chucu; cumhdaigh draenála ar gach draein urláir laistigh d’fhoirgnimh agus draenacha atá suite ar dhromchlaí seachtracha (e.g. pliontaí coincréite, bóithre asfailt agus cosáin phábháilte) agus, i gcás inarb iomchuí, méid mhogaill atá níos lú ná na millíní plaisteacha is lú a láimhseáiltear ar an láthair; córais draenála múnlaigh stoirme nó córais scagacháin chun bainistiú a dhéanamh ar thuilte nó teagmhais stoirme is féidir a thuar go réasúnta; córas cóireála séarachais; coimeádáin dhúnta le haghaidh millíní plaisteacha arna ndoirteadh agus le haghaidh pacáistíocht fholamh; criosanna chun pacáistíocht damáistithe a dheisiú nó a bhainistiú; urlár nó limistéar faoi thalamh ag limistéir luchtaithe agus díluchtaithe nach gcuireann bac ar ghlanadh doirte;

(c)

maidir le glanadh: folúsghlantóirí tionsclaíocha; coimeádáin thiomnaithe le haghaidh millíní plaisteacha athshlánaithe a chumhdaítear, a lipéadaítear agus a dhaingnítear chun tuilleadh doirte agus caillteanais a chosc, lena n-áirítear millíní plaisteacha a fhaightear sna suíomhanna sna limistéir máguaird den tsuiteáil; málaí bailithe treisithe.

(a)

maidir le cosc: teorainneacha ar na cainníochtaí de mhillíní plaisteacha a iompraítear i bpacáistíocht áirithe; úsáid tráidirí doirte faoi phointí aistrithe agus le linn luchtú agus díluchtú; nósanna imeachta soiléire um choimeádáin a oscailt, a luchtú, a dhúnadh agus a shéalú ag tús agus deireadh an luchtaithe; tástáil fhisiceach agus faireachán ar éifeachtacht nósanna imeachta um chosc; nósanna imeachta glactha agus imeachta d’iompróirí de chuid an Aontais agus d’iompróirí nach iompróirí de chuid an Aontais iad; nósanna imeachta agus bearta coiscthe deannaigh millíní plaisteacha;

(b)

maidir le himshrianadh: cigireacht, glantachán agus cothabháil thráthrialta ar chumhdaigh draenach, ar chórais draenála múnlaigh stoirme nó ar chórais scagacháin; cigireacht agus glantachán tráthrialta ar fheithiclí a fhágann nó a thagann isteach i láithreán, saoráidí uisce amach agus fálta feadh imeall na saoráide atá i limistéir phoiblí i gcás inarb infheidhme; ionadú nó deisiú láithreach ar phacáistíocht nó coimeádáin atá ag sceitheadh; cothabháil an chórais cóireála séarachais;

(c)

maidir le glanadh: a luaithe a bheidh na millíní plaisteacha a dhoirtear glanta, más féidir, athúsáidfear iad mar amhábhar chun cur amú a laghdú; mura féidir millíní plaisteacha a dhoirtear a athúsáid mar amhábhair, aisghabhfar agus diúscrófar iad i gcomhréir le reachtaíocht maidir le dramhaíl.

(a)

eilimintí atá le hathbhreithniú ag cruinnithe foirmiúla bainistíochta uair amháin sa bhliain ar a laghad, lena n-áirítear an chainníocht mheasta agus cúiseanna le haon chaillteanas; trealamh agus nósanna imeachta coisctheacha, maolaithe agus glantacháin arna gcur chun feidhme agus a n-éifeachtacht;

(b)

clár feasachta agus oiliúna, bunaithe ar róil agus freagrachtaí sonracha na bhfostaithe, maidir le cosc, imshrianadh agus glantachán, maidir leis an tsuiteáil, le húsáid agus cothabháil trealaimh, le cur i gcrích nósanna imeachta, agus maidir leis an bhfaireachán ar chaillteanas millíní plaisteacha agus an tuairisciú orthu;

(c)

na nósanna imeachta um thiománaithe, soláthróirí agus fochonraitheoirí a chur ar an eolas maidir leis na nósanna imeachta ábhartha chun doirteadh agus caillteanas a chosc, a imshrianadh agus a ghlanadh.