1. Leis an bhfaisnéis atá le cur isteach ag an táirgeoir nó ag a ionadaí údaraithe maidir leis an …

(a)

ainm agus ainmneacha branda (má tá siad ar fáil) faoina gcuireann an táirgeoir a phacáistíocht, lena n-áirítear pacáistíocht táirgí pacáistithe, ar fáil ar an gcríoch sa Bhallstát agus seoladh an táirgeora lena n-áirítear cód poist agus áit phoist, sráid agus uimhir na sráide, tír, uimhir theileafóin, más ann di, seoladh gréasáin agus seoladh ríomhphoist, lena léirítear pointe teagmhála aonair;

(b)

i gcás inar údaraigh táirgeoir d’ionadaí údaraithe na hoibleagáidí faoin bhfreagracht leathnaithe táirgeora a dhéanamh thar a cheann, sa bhreis ar an bhfaisnéis dá dtagraítear i bpointe (a): ainm agus seoladh lena n-áirítear cód poist agus áit phoist, sráid agus uimhir, tír, uimhir theileafóin agus seoladh ríomhphoist an ionadaí údaraithe;

(c)

cód céannachta náisiúnta an táirgeora, lena n-áirítear a uimhir ar an gclár trádála nó uimhir chlárúcháin oifigiúil choibhéiseach agus an uimhir Eorpach chéannachta chánach nó an uimhir náisiúnta chéannachta chánach;

(d)

dearbhú maidir leis an gcaoi a gcomhlíonann an táirgeoir a fhreagrachtaí faoi Airteagal 45, lena n-áirítear deimhniú arna eisiúint ag an eagraíocht um fhreagracht táirgeoirí i gcás ina bhfuil feidhm ag Airteagal 46(1).