Airteagal 5 Díolúintí do chlubanna sacair ghairmiúil áirithe

1.   Féadfaidh na Ballstáit a chinneadh clubanna sacair ghairmiúil atá rannpháirteach sa roinn is airde den tsraith sacair náisiúnta agus a bhfuil láimhdeachas bliantúil iomlán níos lú ná EUR 5 000 000 acu, nó a choibhéis san airgeadra náisiúnta, i ngach ceann den 2 bhliain féilire roimhe sin a dhíolmhú, go hiomlán nó go páirteach, ó na ceanglais a leagtar amach sa Rialachán seo ar bhonn an riosca ísil chruthaithe a thagann as cineál agus scála oibríochta na gclubanna sacair ghairmiúil sin.

Féadfaidh na Ballstáit a chinneadh clubanna sacair ghairmiúil a ghlacann páirt i roinn níos ísle ná an roinn is airde den tsraith sacair náisiúnta a dhíolmhú, go hiomlán nó go páirteach, ó na ceanglais a leagtar amach sa Rialachán seo ar bhonn an riosca ísil chruthaithe a thagann as cineál agus scála oibríochta na gclubanna sacair ghairmiúil sin.

2.   Chun críocha mhír 1, déanfaidh na Ballstáit measúnú riosca ar na clubanna sacair ghairmiúil le measúnú a dhéanamh ar an méid seo a leanas:

Agus na measúnuithe riosca sin dá dtagraítear sa chéad fhomhír den mhír seo á gcur i gcrích, cuirfidh na Ballstáit san áireamh torthaí na measúnuithe riosca ar leibhéal an Aontais arna ndéanamh ag an gCoimisiún de bhun Airteagal 7 de Threoir (AE) 2024/1640.

3.   Bunóidh na Ballstáit gníomhaíochtaí faireacháin rioscabhunaithe nó déanfaidh siad bearta leormhaithe eile chun a áirithiú nach mbainfear mí-úsáid as na díolúintí a dheonaítear de bhun an Airteagail seo.