Airteagal 32 Treoirlínte maidir le rioscaí, treochtaí agus modhanna sciúrtha airgid agus maoinithe sceimhlitheoireachta

1.   Faoin 10 Iúil 2027, glacfaidh AMLA treoirlínte lena sainmhíneofar na rioscaí, na treochtaí agus na modhanna sciúrtha airgid agus maoinithe sceimhlitheoireachta a bhaineann le haon limistéar geografach taobh amuigh den Aontas a bhfuil eintitis faoi oibleagáid neamhchosanta orthu. Cuirfidh AMLA san áireamh, go háirithe, na tosca riosca a liostaítear in Iarscríbhinn III. I gcás ina sainaithnítear cásanna lena mbaineann riosca níos airde, cuirfear bearta feabhsaithe díchill chuí san áireamh sna treoirlínte, bearta a bhreithneoidh eintitis faoi oibleagáid a chur i bhfeidhm chun na rioscaí sin a mhaolú.

2.   Déanfaidh AMLA athbhreithniú ar na treoirlínte dá dtagraítear i mír 1 ar a laghad gach 2 bhliain.

3.   Nuair atá na treoirlínte dá dtagraítear i mír 1 á n-eisiúint agus á n-athbhreithniú ag AMLA, cuirfidh sé san áireamh na meastóireachtaí, na measúnuithe nó na tuarascálacha ábhartha de chuid institiúidí, comhaltaí, oifigí, agus gníomhaireachtaí an Aontais, eagraíochtaí idirnáisiúnta agus socraitheoirí caighdeán a bhfuil inniúlacht acu i ndáil le sciúradh airgid a chosc agus maoiniú sceimhlitheoireachta a chomhrac