Airteagal 39 Toirmeasc ar ghaolmhaireachtaí comhfhreagracha le hinstitiúidí caocha

1.   Ní dhéanfaidh institiúidí creidmheasa ná institiúidí airgeadais gaolmhaireacht chomhfhreagrach le hinstitiúid chaoch ná ní leanfaidh siad leo. Déanfaidh institiúidí creidmheasa agus institiúidí airgeadais bearta iomchuí chun a áirithiú nach ngabhfaidh siad do ghaolmhaireachtaí comhfhreagracha le hinstitiúid creidmheasa ná le hinstitiúid airgeadais arb eol go lamhálann sí d’institiúid chaoch a cuntais a úsáid, ná nach leanfaidh siad leo.

2.   Sa bhreis ar an gceanglas a leagtar síos i mír 1, áiritheoidh soláthraithe seirbhísí cripteashócmhainní nach n-úsáidfidh institiúidí caocha a gcuntais chun seirbhísí cripteashócmhainní a sholáthar. Chuige sin, beidh beartais, nósanna imeachta agus rialuithe inmheánacha i bhfeidhm ag soláthraithe seirbhísí cripteashócmhainní chun aon iarracht ar a gcuntais a úsáid chun seirbhísí cripteashócmhainní neamhrialáilte a sholáthar a bhrath.