Artikolu 39 Projbizzjoni ta’ relazzjonijiet korrispondenti ma’ istituzzjonijiet fantażma

1.   L-istituzzjonijiet ta’ kreditu u l-istituzzjonijiet finanzjarji ma għandhomx jidħlu f’relazzjoni korrispondenti jew jissoktaw tali relazzjoni korrispondenti ma’ istituzzjoni fantażma. L-istituzzjonijiet ta’ kreditu u l-istituzzjonijiet finanzjarji għandhom jieħdu miżuri xierqa sabiex jiżguraw li la jibdew u lanqas ma jibqgħu f’relazzjonijiet korrispondenti ma’ istituzzjoni ta’ kreditu jew ma’ istituzzjoni finanzjarja li jkun magħruf li tippermetti li l-kontijiet tagħha jintużaw minn istituzzjoni fantażma.

2.   Minbarra r-rekwiżit stabbilit fil-paragrafu 1, il-fornituri ta’ servizzi tal-kriptoassi għandhom jiżguraw li l-kontijiet tagħhom ma jintużawx mill-istituzzjonijiet fantażma biex jipprovdu servizzi tal-kriptoassi. Għal dak l-għan, il-fornituri ta’ servizzi tal-kriptoassi għandu jkollhom fis-seħħ politiki, proċeduri u kontrolli interni sabiex jidentifikaw kwalunkwe tentattiv biex jużaw il-kontijiet tagħhom għall-forniment ta’ servizzi tal-kriptoassi mhux regolati.