Airteagal 56 Fógraí

Airteagal 56

Tabharfaidh gach Ballstát fógra don Choimisiún faoin 10 Deireadh Fómhair 2027 maidir le liosta de na cineálacha eintiteas dlítheanach arb ann dóibh faoina dhlí náisiúnta le húinéirí tairbhiúla arna sainaithint i gcomhréir le hAirteagal 51 agus Airteagal 52(4).Cuirfear san áireamh san fhógra sin catagóirí sonracha eintiteas, cur síos ar shaintréithe, agus, i gcás inarb infheidhme, bunús dlí faoi dhlí náisiúnta na mBallstát lena mbaineann. Cuirfear in iúl ann freisin cé acu atá nó nach bhfuil feidhm ag an sásra faoi Airteagal 63(4), de bharr foirm shonrach agus struchtúr sonrach eintiteas dlítheanach seachas eintitis chorparáideacha, chomh maith le réasúnú mionsonraithe do na cúiseanna leis sin.

Cuirfidh an Coimisiún an fógra dá dtagraítear sa chéad fhomhír in iúl do na Ballstáit eile.