Airteagal 1 Na cúraimí a bheidh ar bhaill den fhoireann scrúdúcháin chomhpháirteach

(a)

cúnamh a thabhairt don Phríomh-Fhormhaoirseoir an plean formhaoirseachta bliantúil aonair dá dtagraítear in Airteagal 33(4) de Rialachán (AE) 2022/2554 a ullmhú agus a dhréachtú;

(b)

cúnamh a thabhairt don Phríomh-Fhormhaoirseoir an measúnú dá dtagraítear in Airteagal 33(2) de Rialachán (AE) 2022/2554 a dhéanamh;

(c)

measúnú a dhéanamh ar an bhfaisnéis a fhaigheann an Príomh-Fhormhaoirseoir ón soláthraí seirbhísí TFC tríú páirtí criticiúil faoi Airteagal 37 de Rialachán (AE) 2022/2554 agus faoi Chaibidil II de Rialachán Tarmligthe (AE) 2025/295 ón gCoimisiún (7);

(d)

imscrúduithe ginearálta a dhéanamh ar na soláthraithe seirbhísí TFC tríú páirtí criticiúla dá dtagraítear in Airteagal 38 de Rialachán (AE) 2022/2554;

(e)

na hiniúchtaí dá dtagraítear in Airteagal 39(1) de Rialachán (AE) 2022/2554 a dhéanamh;

(f)

na moltaí dá dtagraítear in Airteagal 35(1), pointe (d), de Rialachán (AE) 2022/2554 a dhréachtú;

(g)

measúnú a dhéanamh ar an bplean feabhsúcháin agus ar na tuarascálacha ar dhul chun cinn dá dtagraítear in Airteagal 4 de Rialachán Tarmligthe 2025/295 ón gCoimisiún;

(h)

na hiarrataí agus na cinntí dá dtagraítear in Airteagal 35(6), Airteagal 37(1), Airteagal 38(4), agus Airteagal 39(6) de Rialachán (AE) 2022/2554 a ullmhú agus a dhréachtú;

(i)

cúnamh a thabhairt don Phríomh-Fhormhaoirseoir maidir lena rannchuidiú le gníomhaíochtaí formhaoirseachta cothrománacha, lena n-áirítear i bhforbairt na dtagarmharcanna cuimsitheacha dá dtagraítear in Airteagal 32(3) de Rialachán (AE) 2022/2554;

(j)

a áirithiú go ndéanfar an fhaisnéis ábhartha a bhaineann le heintitis airgeadais a bhaineann úsáid as na seirbhísí a sholáthraíonn soláthraithe seirbhísí TFC tríú páirtí criticiúla a chomhroinnt leis an bPríomh-Fhormhaoirseoir;

(k)

cúnamh a thabhairt don Phríomh-Fhormhaoirseoir i ngníomhaíochtaí ad hoc neamhphleanáilte a mheasann an Príomh-Fhormhaoirseoir a bheith riachtanach chun críche formhaoirseachta.