+Airteagal 123 Neamhchosaintí miondíola
---+Airteagal 123 1.
---+Airteagal 123 2.
---+Airteagal 123 3.
---+Airteagal 123 4.
---+Airteagal 123 5.

Airteagal 123 Neamhchosaintí miondíola

-

1. Forbhreathnú

,
Airteagal 123 1.

Measfar gur neamhchosaintí miondíola iad neamhchosaintí a chomhlíonann gach ceann de na critéir seo a leanas:

(a) 

baineann an neamhchosaint le duine nádúrtha amháin nó níos mó nó le FBM;

(b) 

ní mó ná EUR 1 mhilliún an méid iomlán a bheidh dlite don institiúid, dá máthairghnóthais agus dá fochuideachtaí, ón oibleagáideoir nó ón ngrúpa cliant nasctha, lena n-áirítear aon neamhchosaint ar mainneachtain ach gan neamhchosaintí arna n-urrú le réadmhaoin chónaithe suas go dtí an luach réadmhaoine san áireamh, a mhéid is feasach don institiúid, a dhéanfaidh bearta réasúnta chun an cás a dheimhniú;

(c) 

is é atá sa neamhchosaint ceann amháin de líon suntasach neamhchosaintí a mbeidh tréithe comhchosúla acu, sa mhéid is go laghdaítear go mór na rioscaí a bhaineann leis na neamhchosaintí sin;

(d) 

láimhseálann an institiúid lena mbaineann an neamhchosaint ina creat bainistíochta riosca agus bainistíonn sí an neamhchosaint go hinmheánach mar neamhchosaint mhiondíola go comhleanúnach thar am agus ar bhealach a bheidh cosúil leis an láimhseáil a dhéanfaidh an institiúid ar neamhchosaintí eile miondíola.

Beidh luach reatha na n-íocaíochtaí léasa íosta ar mhiondíol incháilithe don aicme neamhchosanta miondíola.

Ní bheidh ►C9  neamhchosaintí ◄ nach gcomhlíonann na critéir dá dtagraítear i bpointe (a) go (c) den chéad fhomhír incháilithe mar ►C9  neamhchosaintí ◄ ar mhiondíol.

Faoin 10 Iúil 2025, eiseoidh ÚBE treoirlínte, i gcomhréir le hAirteagal 16 de Rialachán (AE) Uimh. 1093/2010, chun modhanna comhréireacha éagsúlaithe a shonrú faoina measfar neamhchosaint mar cheann de líon suntasach neamhchosaintí comhchosúla mar a shonraítear sa chéad fhomhír, pointe (c), den mhír seo.
Airteagal 123 2.

Ní mheasfar gur neamhchosaintí miondíola na neamhchosaintí seo a leanas:

(a) 

neamhchosaintí neamhfhiachais a chuireann fo-éileamh iarmharach in iúl ar shócmhainní nó ioncam an eisitheora;

(b) 

neamhchosaintí fiachais agus urrús eile, comhpháirtíochtaí, díorthaigh, nó uirlisí eile, a bhfuil a dtábhacht eacnamaíoch cosúil leis na neamhchosaintí atá sonraithe i bpointe (a);

(c) 

gach neamhchosaint eile i bhfoirm urrús.
Airteagal 123 3.
Neamhchosaintí miondíola dá dtagraítear i mír 1, sannfar ualú riosca 75 % dóibh, cé is moite de neamhchosaintí oibreora, a sannfar ualú riosca 45 % dóibh.
Airteagal 123 4.
I gcás nach gcomhlíontar aon cheann de na critéir dá dtagraítear i mír 1 maidir le neamhchosaint ar dhuine nádúrtha amháin nó níos mó, measfar gur neamhchosaint mhiondíola í an neamhchosaint agus sannfar ualú riosca 100 % di.
Airteagal 123 5.

De mhaolú ar mhír 3, neamhchosaintí i ngeall ar iasachtaí arna ndeonú ag institiúid do phinsinéirí nó d’fhostaithe a bhfuil conradh buan acu in aghaidh aistriú neamhchoinníollach cuid de phinsean nó de thuarastal an iasachtaí chuig an institiúid sin, sannfar ualú riosca 35 % dóibh, ar choinníoll go gcomhlíonfar na coinníollacha uile seo a leanas:

(a) 

chun an iasacht a aisíoc, údaraíonn an t-iasachtaí go neamhchoinníollach don chiste pinsin nó don fhostóir íocaíochtaí díreacha a dhéanamh leis an institiúid trí na híocaíochtaí míosúla ar an iasacht a asbhaint as pinsean nó tuarastal míosúil an iasachtaí;

(b) 

clúdaítear go cuí na rioscaí báis, éagumais chun oibre, dífhostaíochta nó laghdaithe ar phinsean nó tuarastal glan míosúil an iasachtaí le polasaí árachais chun tairbhe na hinstitiúide;

(c) 

ní mó ná 20 % de phinsean nó tuarastal glan míosúil an iasachtaí na híocaíochtaí míosúla atá le déanamh ag an iasachtaí ar na hiasachtaí uile a chomhlíonann na coinníollacha a leagtar amach i bpointí (a) agus (b);

(d) 

tá uastréimhse aibíochta bunaidh na hiasachta cothrom le 10 mbliana nó níos giorra ná sin.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin