15.7.2 Coigeartuithe intuigthe

Ba cheart do ghnólachtaí infheistíochta ionstraimí a úsáid le haghaidh luach saothair inathraithe i gcás go bhfreagraíonn an praghas d’athruithe ar fheidhmíocht nó ar riosca an ghnólachta infheistíochta. Níor cheart teacht chun cinn an stoicphraghais nó praghais ionstraimí eile a mheas mar ionadaí ar choigeartuithe riosca ex post follasacha.

I gcás gur dámhadh ionstraimí agus go ndíolann na baill foirne, i ndiaidh tréimhsí iarchurtha agus coinneála, na hionstraimí sin nó go n-íoctar an ionstraim in airgead tirim tráth a haibíochta deiridh, ba cheart go mbeadh na baill foirne ábalta an méid atá dlite a fháil. Is féidir leis an méid a bheith níos airde ná an méid a dámhadh ar dtús i gcás gur tháinig méadú ar phraghas an mhargaidh nó ar luach cóir na hionstraime.