Raon feidhme

Tá feidhm ag na Treoirlínte seo maidir leis na seirbhísí atá bunaithe ar ionstraimí íocaíochta sonracha nach féidir a úsáid ach ar bhealach teoranta mar a shonraítear faoi Airteagal 3(k) de PSD2 atá eisiata ó raon feidhme PSD2. Go háirithe, leagtar amach sna Treoirlínte critéir agus tosca a bheidh le cur san áireamh ag na húdaráis inniúla agus measúnú á dhéanamh acu ar cheart do na gníomhaíochtaí teacht faoi eisiaimh Airteagal 3(k).

Tá feidhm ag na Treoirlínte seo freisin maidir leis an bpróiseas fógartha faoi Airteagal 37(2) de PSD2, lena n ‐ áirítear ríomh na tairsí agus an fhaisnéis a bheidh san fhógra arna chur faoi bhráid na n ‐ údarás inniúil ag eisitheoirí.

Ina theannta sin, tá feidhm ag na Treoirlínte seo maidir leis an bhfaisnéis a chuirfear ar fáil go poiblí ar chlár náisiúnta na n ‐ údarás inniúil agus ar chlár lárnach an ÚBE i gcomhréir le hAirteagal 37(5) de PSD2.

Ar deireadh, tá feidhm ag codanna de na Treoirlínte seo maidir le seirbhísí faoi Airteagal 3(k) de PSD2 a sholáthraíonn soláthraithe rialáilte seirbhísí íocaíochta agus eisitheoirí airgid leictreonacha.