1.1 Raon feidhme na n-institiúidí chun sonraí luacha saothair a bhailiú

Ba cheart d’údaráis inniúla sonraí luacha saothair ó na hinstitiúidí is mó i dtéarmaí mhéid na sócmhainní ina mBallstát a bhailiú agus a chur faoi bhráid an ÚBE, lena áirithiú go gcumhdaítear 60% ar a laghad de mhéid sócmhainní an chórais bhaincéireachta sa Bhallstát sin.

I gcás nach féidir an clúdach 60% dá dtagraítear sa mhír roimhe seo a bhaint amach go réasúnta i mBallstát, ba cheart d'údaráis inniúla sonraí luacha saothair ó suas le 20 institiúid de na hinstitiúidí is mó i dtéarmaí méid na sócmhainní ina mBallstát a bhailiú agus a chur faoi bhráid an ÚBE. Níor cheart go n-áireofaí ar na sonraí sin institiúidí a mbaileoidh an maoirseoir comhdhlúthaithe sonraí ina leith de réir leibhéal chur i bhfeidhm na gceanglas maidir le nochtadh a leagtar amach in Airteagal 13 de Rialachán (AE) 575/2013. Faigheann údaráis inniúla faisnéis ón ÚBE a mbailítear sonraí máthairghnóthais an Aontais ina leith tríd an liosta dá dtagraítear i mír 24.