1. Raon feidhme na ngnólachtaí infheistíochta faoi réir an chleachtais bailithe sonraí luach saothair.

Ba cheart d’údaráis inniúla sonraí luacha saothair na dtrí ghnólacht infheistíochta is mó ar a laghad a bhailiú agus a chur faoi bhráid an ÚBE i dtéarmaí méid sócmhainní ina mBallstát, ag áirithiú i gcás inar féidir go gcumhdaítear 50 % ar a laghad de mhéid iomlán sócmhainní na ngnólachtaí infheistíochta go léir sa Bhallstát sin. Níor cheart go n-áireofaí leis na sonraí sin gnólachtaí infheistíochta ar fochuideachtaí iad de ghnólachtaí infheistíochta a mbaileofar sonraí ina leith ar an leibhéal comhdhlúite.