Raon feidhme

Tá feidhm ag na Treoirlínte seo maidir le modhanna a fhorbairt chun ranníocaíochtaí rioscabhunaithe na n-institiúidí is baill le SRT a ríomh.

Ba cheart do na húdaráis inniúla, i gcomhar leis na húdaráis ainmnithe, a áirithiú go gcuirfidh SRTanna na Treoirlínte seo i bhfeidhm agus modhanna á bhforbairt acu chun ranníocaíochtaí rioscabhunaithe óna gcuid institiúidí is comhaltaí a ríomh agus iad a chur i bhfeidhm agus na modhanna ríomha sin á bhformheas acu i gcomhréir le hAirteagal 13(2) den DGSD.

I gcás ina bhfuil na húdaráis inniúla, i gcomhar leis na húdaráis ainmnithe, freagrach as an modh ríofa a fhorbairt agus/nó a chur i bhfeidhm, ba cheart dóibh forálacha na dTreoirlínte seo a chur i bhfeidhm.

Níl feidhm ag na Treoirlínte seo maidir le brainsí institiúidí creidmheasa tríú tír. Mar sin féin, féadfaidh údaráis inniúla, i gcomhar le húdaráis ainmnithe, rogha a dhéanamh na Treoirlínte sin a chur i bhfeidhm ar bhrainsí tríú tír freisin.