Ionadaíocht

Ba cheart d’institiúidí a ‘gcumas téarnaimh cás-sonrach’ a chur in iúl do na ‘táscairí ábhartha RP’ seo a leanas ar a laghad⁶ :

• a. cóimheas caipitil de Ghnáthchothromas Leibhéal 1 (CET1);
• b. cóimheas caipitil iomlán;
• c. cóimheas giarála;
• d. cóimheas cumhdaigh ar leachtacht (LCR);
• e. cóimheas glanchistiúcháin chobhsaí (NSFR); I gcásanna nár chuir na hinstitiúidí na táscairí liostaithe san áireamh ina gcreat táscairí plean téarnaimh bunaithe ar an toimhde infhrisnéise dá bhforáiltear i dTreoirlínte ÚBE maidir le táscairí plean téarnaimh⁷ , ba cheart an ‘cumas téarnaimh cás-sonrach’ a shloinneadh i dtéarmaí na dtáscairí ionadacha faoi seach. Ba cheart d’institiúidí na méideanna ainmniúla is bunús le ríomh na dtáscairí ábhartha (uimhreoir agus ainmneoir) a áireamh ina bpleananna téarnaimh chun go mbeidh na húdaráis inniúla in ann na figiúirí tuairiscithe a mheasúnú i gceart agus dúshlán a thabhairt ina gcoinne.

⁶ San áireamh in Iarscríbhinn II (‘an liosta íosta de tháscairí an phlean téarnaimh’) i dTreoirlínte ÚBE maidir le táscairí plean téarnaimh faoi Airteagal 9 de Threoir 2014/59/AE (EBA/GL/2021/11).

⁷ Féach Iarscríbhinn II – Íosliosta táscairí an phlean téarnaimh i dTreoirlínte ÚBE maidir le táscairí an phlean téarnaimh faoi Airteagal 9 de Threoir 2014/59/AE (EBA/GL/2021/11).

Ba cheart d’institiúidí a ‘cumas téarnaimh cás-sonrach’ a chur in iúl trí shuim thionchair na roghanna téarnaimh a thuairisciú mar a shainítear i mír 15 chun a mhéid a mbeidís in ann téarnamh sa chás sin a chinneadh. Ba cheart na tionchair a léiriú i dtéarmaí na ‘táscairí ábhartha RP’ le himeacht ama, lena náirítear na eatraimh ama ábhartha, i gcomhréir leis an gcreat ama a chinntear i gcomhréir le mír 24.