Raon feidhme

Tá feidhm ag na treoirlínte maidir leis an gcreat tuairiscithe maoirseachta agus réitigh forbartha ag ÚBE (caighdeáin theicniúla, treoirlínte), i gcás ina gcuireann na hinstitiúidí airgeadais sonraí faoi bhráid na n-údarás inniúil agus na n-údarás réitigh ar bhonn rialta. Tá feidhm ag na treoirlínte freisin i gcás ina gcuireann institiúidí airgeadais na sonraí a cheanglaítear le creat tuairiscithe ÚBE ar fáil ar bhonn deonach.

Tá feidhm ag na treoirlínte ar an leibhéal aonair, ar an leibhéal fo-chomhdhlúite agus ar an leibhéal comhdhlúite de réir leibhéal chur i bhfeidhm na hoibleagáide tuairiscithe iarbhír lena mbaineann.

Níl feidhm ag na treoirlínte i gcás ina leagtar amach ceanglais shonracha i gcreat tuairiscithe ÚBE maidir le sonraí a chur isteach an athuair.

Níl feidhm ag na treoirlínte maidir le sonraí a sholáthraíonn na húdaráis inniúla nó na húdaráis réitigh as a stuaim féin agus a chuirtear faoi bhráid ÚBE ina dhiaidh sin.