13.3 Acmhainní feidhmeanna rialaithe inmheánaigh

Ba chóir go mbeadh dóthain acmhainní ag feidhmeanna rialaithe inmheánaigh. Agus cur i bhfeidhm phrionsabal na comhréireachta mar a leagtar amach i dTeideal I á chur san áireamh, ba cheart líon leordhóthanach ball foirne cáilithe a bheith acu a bhfuil scileanna, eolas agus taithí leordhóthanach acu. Ba cheart go leanfadh an fhoireann de bheith cáilithe ar bhonn leanúnach agus ba cheart go gcuirfí oiliúint orthu de réir mar is gá.

Ba cheart córais TFC iomchuí agus tacaíocht iomchuí a bheith ar fáil d’fheidhmeanna rialaithe inmheánaigh, agus rochtain acu ar an bhfaisnéis inmheánach agus sheachtrach is gá chun a bhfreagrachtaí a chomhlíonadh. Ba cheart rochtain a bheith acu ar an bhfaisnéis uile is gá maidir leis na línte gnó agus na fochuideachtaí ábhartha uile a bhfuil riosca ag baint leo, go háirithe na cinn sin a d’fhéadfadh rioscaí ábhartha a chruthú d’eisitheoir ARTanna.